Дунёга янги адолатли тизим керак

Туркиянинг Ўзбекистондаги фавқулодда ва мухтор элчиси Уфук Улуташ адолат ва тинчлик ўрнатиш мақсадида тузилган халқаро тизим Бирлашган Миллатлар Ташкилоти эскираётганини ҳамда БМТда ўрнатилган қоидалар иккиюзламачилик асосида қўлланилаётганини айтди. Бу ҳақда PARADIGMA.UZ мухбири хабар қилди.

Жаҳон

01.04.2025, 17:45

Lotinchada

Улашиш:

Элчи Уфук Улуташ Туркия Президенти Ражаб Тоййиб Эрдўғаннинг Эрдўғаннинг “Дунё беш мамлакатдан катта” дегани, гапи даъво ёки эҳтирос эмас, балки ҳақиқатнинг энг содда ва энг мазмунли баёноти эканлигини маълум қилди.

“Туркияни “Дунё адолатлироқ бўлиши мумкин” дейишига сабаб шундаки, жаноб Президентимизнинг бу чақириғининг Сомалидан Индонезиягача, Босния-Герсеговинадан Судангача, Ўзбекистондан Венесуэлагача, Фаластиндан Руандагача дунёнинг ҳар бир бурчагида акс-садо берганидир”, деди элчи.

Шунингдек, дипломат БМТнинг эскираётгани ва икки томонлама стандартлар қўлланилаётганлигига Фаластинни мисол қилиб кўрсатиб, йиллар давомида Фаластин халқига қилинаётган ноҳақликлар қаршисида халқаро ҳамжамият нақадар ожиз қолганини танқид остига олди.

Элчи мусулмонларга қарши уюштирилган геноцидлардан яна бири сифатида - Болқонда мутаассиблар ва геноцид тарафдорлари қўлида қолган мусулмонларнинг ночорлиги ҳақидаги аччиқ хотираларни йодга олди.

Шунингдек, дипломат Суриядаги Асадлар режими ва мамлакатдаги адолатсизликларни тилга олди.

“Суриядаги ҳукумат ўз халқига турли йўллар билан, жумладан кимёвий қуроллар билан зарар етказган ҳолда сукут сақлай олиш ва Сурия халқининг не чоғлиқ ёлғиз қолганини биргаликда бошимиздан ўтказдик” дейди элчи.

Уфук Улуташга кўра, халқаро ҳамжамиятни ташкил этувчи бешта давлатнинг оғзидан чиқаётган жумлаларга қараб ўз йўналишини белгилаш ҳашамати тугаганини кўрмоқдамиз ва БМТга инклюзив, кенг қамровли, мувозанатли ва олдиндан айтиш мумкин бўлган ислоҳот керак.

Жаҳон

01.04.2025, 17:45

Улашиш:

##БМТ ##Туркия

мавзуга оид янгиликлар