Erdoʻgʻan BMTda Isroilni qoralayotgan vaqtida uning mikrofoni oʻchirildi

Maʼlum qilinishicha, Prezident Erdoʻgʻan BMT Bosh Assambleyasi doirasida boʻlib oʻtgan “Falastin muammosiga yechim topish va ikki davlat yechimini amalga oshirish” mavzusidagi yuqori darajadagi xalqaro konferensiyada nutqining 4-daqiqa 48-soniyasida mikrofon uzilib qolgan. Prezident ovozi yozib olinmayotganidan bexabar yana bir daqiqa atrofida gapirgan.

Tarjimon Prezidentning ovozi yetib kelmayotgani va hech narsani eshita olmayotganini aytgan.

“Xonimlar va janoblar men Prezident ovozini eshitmayapman. Texnik nosozlik boʻldi, uning ovozi yetib kelmayapti”, degan tarjimon.

Ushbu holat yuzasidan, Turkiya Aloqa boshqarmasi munosabat bildirib, assambleyada davlat va hukumat rahbarlarining nutqi uchun 5 daqiqa, boshqa maʼruzachilarga esa 3 daqiqa vaqt ajratilganini aytgan va beshinchi daqiqaning oxirida mikrofonning avtomatik ravishda oʻchirilganini bildirgan.

“Turkiya BMT Bosh Assambleyasida Prezidentning maʼruzalari global kun tartibini shakllantiruvchi va keng taʼsir oʻtkazuvchi xabarlar sifatida diqqat bilan kuzatib borildi. Boshqa davlat rahbarlari kabi Prezident Erdoʻgʻanning ham nutq vaqti besh daqiqa boʻlgan. Prezidentning soʻzlari toʻxtatilgani yoʻq”, deya qoʻshimcha qilinadi xabarda.