Gʻazodagi voqealarning barchasi butun dunyo koʻz oʻngida sodir boʻlmoqda — Antoniu Gutterish

"U fuqarolarni insoniylik bilan, ularning tugʻma qadr-qimmatini hurmat qilgan holda muomala qilishi lozim. U fuqarolik aholini majburan koʻchirish, deportatsiya qilish yoki boshqa hududlarga surib chiqarishga haqli emas. Va egallab turgan davlat sifatida zarur yordamni qabul qilish va oʻtkazishga ruxsat berishi shart", degan BMT Bosh kotibi Antoniu Gutterish.

Uning aytishicha, Gʻazo sektoriga soʻnggi yordam Kerem Shalom chegara punkti orqali deyarli 400 ta yuk mashinasi Gʻazoga kirish uchun ruxsatnoma olgan, biroq atigi 115 tasining yuki chegaradan oʻtkazilgan. Ammo qamal ostidagi Gʻazo aholisiga hech qanday yordam yetib bormagan.

"Biz yordamni kerakli joylarga yetkazish uchun tun-u kun ishlayapmiz. Nihoyat, biroz bugʻdoy uni, bolalar uchun ovqat, oziqlantiruvchi qoʻshimchalar va dori-darmonlar tarqatdik. Gʻazo janubi va markazidagi ayrim novvoyxonalar yana ishlay boshladi", degan u.

Biroq u, "Bularning bari harbiy harakatlar oʻrtasida amalga oshirilayotganini unutmaslik kerak",  deb ogohlantirdi.

Guterrish yordam yetkazishda duch kelinayotgan muammolarga alohida toʻxtatilib oʻtdi. Unga koʻra, chegaradan oʻtkazilayotgan har qanday yordamning miqdori mavjud. Bundan tashqari, yonilgʻi, boshpana vositalari, gaz ballonlari va suvni tozalash vositalari kabi zaruriy narsalarning kirishiga umuman ruxsat berilmayapti.

"Yordam karvonlarimiz uchun xavfsizlik kafolatlari soʻrashda davom etamiz. Agar biz oziq-ovqat va bugʻdoy unini odamlar qoʻliga bevosita yetkazishga toʻsqinlik qilinaversa, xodimlarimiz hayoti xavf ostida qoladi", degan BMT rahbari.

Bosh kotibning aytishicha, Isroil harbiy harakatlari ayni paytda “dahshatli darajadagi oʻlim va vayronagarchilik”ka olib kelmoqda.

Bugungi kunda Gʻazo hududining 80 foizi yoki Isroil tomonidan harbiy zona deb eʼlon qilingan, yoki aholi tark etishga majbur qilingan hudud deb belgilangan.

Bayonotda Guterrish BMT oʻz pozitsiyasida qatʼiy ekanligini yana bir bor eslatdi: "Biz xalqaro huquq va insonparvarlik tamoyillari — insoniylik, betaraflik, mustaqillik va xolislik — buziladigan har qanday rejada ishtirok etmaymiz".

BMT rahbari shuningdek, BMT va hamkorlari tomonidan ishlab chiqilgan besh bosqichli reja mavjudligini aytdi. Bu rejaga BMT aʼzolari tomonidan qoʻllab-quvvatlov berilgan. Unda quyidagi tartib nazarda tutilgan: yordamni Gʻazoga yetkazish; chegara punktlarida tekshiruvdan oʻtkazish; yordamni gumanitar markazlarga olib borish; uni tarqatishga tayyorlash; va odamlar qoʻliga yetkazish.

"Bizda zarur xodimlar, tarqatish tarmoqlari, tizimlar va mahalliy hamjamiyatlar bilan aloqa mavjud. 160 mingta paket yordam — deyarli 9 ming yuk mashinasiga teng miqdordagi yuk — tayyor holda kutmoqda", degan u.

Soʻzining yakunida Guterrish Gʻazo xalqiga hayotni saqlab qoluvchi yordam koʻrsatishga chaqirdi.

Soʻzining yakunida Guterrish Gʻazo xalqiga hayotni saqlab qoluvchi yordam koʻrsatishga chaqirdi.