Erdoʻgʻan: “Turkiya Gʻazoda inson huquqlari va adolatni himoya qiladi”

Turkiya diplomatik maktublar, telefon muloqotlari, xalqaro aloqalar va 102 ming tonnadan ortiq insonparvarlik yordamini taqdim etish orqali Gʻazo sektorida inson huquqlari va adolatni himoya qilmoqda.

Bu haqda prezident Rajab Toyyib Erdoʻgʻan Malazgirt gʻalabasining 954 yilligiga bagʻishlangan tadbirdagi soʻzi davomida toʻxtalib oʻtdi.

«Turkiya Falastin masalasini barcha maydonlarda himoya qiladi va Gʻazoda oʻz birodarlarini Isroilning shafqatsiz zulmlari oldida hech qachon yolgʻiz qoldirmaydi», — dedi turk rahbari.

Suriyadagi vaziyat haqida gapirar ekan, davlat rahbari Turkiya bu mamlakatda yashovchi barcha etnik guruhlar uchun xavfsizlik kafolatchisi sifatida harakat qilayotganini taʼkidladi. «Turkiya kurdlar va Suriyadagi barcha birodar xalqlar uchun xavfsizlik, tinchlik va farovonlik kafolatchisidir. Anqara va Damashqqa yuzlanadiganlar bundan foyda koʻradi», — dedi u.

Prezident shuningdek, Anqara butun mintaqa boʻylab barqaror tinchlik oʻrnatish, muammo va kelishmovchiliklarni muloqot va diplomatiya orqali hal qilish tarafdori ekanini taʼkidladi.