Eron yadro qurolidan voz kechdi

«Albatta, yadroviy qurol yaratmoqchi boʻlgan davlatlar uranni 90 foizgacha boyitadi. Bizga qurol kerak emas va yadroviy quroldan voz kechishga qaror qilganimiz uchun bunday qadar yuqori darajada boyitishni amalga oshirmadik. Biz uranni 60 foizgacha boyitdik va bu koʻrsatkich mamlakat oldida turgan vazifalarni hal etish uchun yetarli», — dedi Xominaiy televideniye orqali yoʻllagan murojaatida.

Uning taʼkidlashicha, Eronning «yoʻq va boʻlmaydi» degan qatʼiy pozitsiyasiga qaramasdan, hozirda toʻqqiz davlat arsenalida yadroviy qurol mavjud.

Shu bilan birga, 21 sentabr kuni Eron BMT Xavfsizlik Kengashi tomonidan mamlakatga nisbatan sanksiyalarni qayta tiklash qarori qabul qilinganidan soʻng, Atom energiyasi boʻyicha xalqaro agentlik (AEXA) bilan hamkorlikni toʻxtatdi.

19 sentabrda Rossiya, Xitoy, Jazoir va Pokiston sanksiyalar rejimini qayta tiklamaslik uchun ovoz bergan boʻlsa-da, BMTdagi tashabbus qabul qilinmadi. Yevropa mamlakatlari fikricha, Eron yadroviy dastur boʻyicha kelishuvni buzgani uchun unga nisbatan cheklov choralari zarur.

Eron rahbariyati esa yadroviy dastur faqat tinchlik va milliy taraqqiyot maqsadlariga xizmat qilishini taʼkidlab kelmoqda.