Tramp Gʻazo va Isroil oʻrtasidagi urush tugaganini eʼlon qildi

Payshanba kuni Tramp ishtirokida Oq uyda Vazirlar Mahkamasi yigʻilishi boʻlgan. Unda Gʻazodagi mahbuslar almashinuvi keng qamrovli Gʻazo rejasining birinchi bosqichi doirasida ozod qilinish kerak.

“Gʻazodagi urushni tugatdik,” dedi u, bu “mangu tinchlik”ka olib kelishiga umid qilib.

Shuningdek, Tramp vositachilar – Turkiya, Misr va Qatarni kelishuvga erishgani bilan tabrikladi. Shuningdek, u oʻz nutqida Saudiya Arabistoni, Indoneziya va Iordaniyaga minnatdorlik bildirdi.

Tramp oʻt ochishni toʻxtatish boʻyicha kelishuvni taʼminlagani uchun Turkiya rahbari Rajab Toyyib Erdogʻanga alohida minnatdorchilik bildirdi.

“Prezident Erdoʻgʻan oʻt ochishni toʻxtatish boʻyicha kelishuvni taʼminlashda shaxsan ishtirok etdi”, – degan u.

Tramp, shuningdek, Eron bilan ishlashga tayyorligini aytdi.

“Eron tinchlikka erishish yoʻlida ishlamoqchi. Tehron Gʻazodagi oʻt ochishni toʻxtatish kelishuvini toʻliq qoʻllab-quvvatladi, biz buni qadrlaymiz va Eron bilan hamkorlik qilamiz,” – deya taʼkidlagan u.

Isroil va HAMAS harakati tinchlik rejasining birinchi bosqichi doirasida oʻt ochishni toʻxtatish va garovga olinganlarni almashish boʻyicha kelishuvga erishdi. Muzokaralar Sharm ash-Shayx kurort shahrida Misr, Qatar va AQSh vositachiligida boʻlib oʻtdi. Kelishuv zudlik bilan oʻt ochishni toʻxtatish, HAMAS tomonidan garovga olinganlarni ozod qilish va Isroil qoʻshinlarini Gʻazo sektoridan qisman olib chiqishni nazarda tutadi.