Aholining banklar oldidagi qarzdorligi 10,6% ga oshdi

Yil boshida ko‘rsatkich 220,3 trln so‘m edi. Sakkiz oy ichida aholining banklar oldidagi qarzdorligi 23,3 trln so‘mga yoki 10,6% ga ko‘paydi. Bu haqda O‘zA xabar berdi.

Odamlar qanday maqsadlarda kredit olishmoqda?

• Ipoteka kreditlari — 89,7 trln so‘m
• Mikroqarzlar — 51,3 trln so‘m
• Mikrokreditlar — 48,2 trln so‘m
• Avtokreditlar — 41 trln so‘m
• Ta’lim kreditlari — 6,85 trln so‘m
• Iste’mol kreditlari — 502 mlrd so‘m
• Boshqa kreditlar — 6,1 trln so‘m

Jami kreditlarning 130,8 trln so‘mi davlat banklari, 112,8 trln so‘mi esa xususiy banklar hissasiga to‘g‘ri keladi.

Avvalroq endi banklar kartangizdagi oxirgi tiyingacha yechib ololmasligi haqida xabar bergandik.