Isroil Gʻazo sektoriga hujumlarni toʻxtatgani aytilmoqda

Isroil Gʻazo sektoriga hujumni toʻxtatdi — Iyerusalim Falastin bilan tinchlik kelishuvi boʻyicha Tramp rejasini amalga oshirishga kirishdi, xabar bermoqda “Onadoʻli” axborot agentligi.

Tunda HAMAS muloqotga tayyor ekanini bildirib, barcha garovdagilarni ozod qilishga, halok boʻlganlarning jasadlarini topshirishga va Gʻazoni texnokratlar hukumati boshqarishiga rozi boʻlishini maʼlum qildi.

Ertalabning oʻzidayoq Tramp HAMASning tinchlik yoʻli haqidagi bayonotiga ijobiy munosabat bildirdi va Isroilni bombardimonlarni toʻxtatishga chaqirdi. Ammo ultimatum kuchda qolmoqda: 5 oktabrga qadar harakat shartnomani imzolashi kerak, aks holda, Trampning soʻzlariga koʻra, "ularning boshiga hech kim ilgari koʻrmagan darajadagi doʻzax azobi yogʻiladi".

Isroil bosh vaziri Binyamin Netanyaxu ham Donaldning soʻzlaridan soʻng SAHAL Gʻazoga oʻt ochishni toʻxtatganini va Iyerusalim tinchlik kelishuvi rejasining ikkinchi bosqichiga kirishganini bildirdi.

Ayni paytda, Isroil nashrlarining  taʼkidlashicha, Isroil armiyasiga Gʻazoga hujumlarning shiddatini kamaytirish boʻyicha koʻrsatma berilgan va yaqin vaqt ichida muzokaralar boshlanishi kutilmoqda.

Eslatib oʻtamiz, 2023 yil oktabridan beri Isroil armiyasi shiddatli hujumlar va qattiq qamal olib borayotgan Gʻazoda 66 mingdan ortiq falastinlik halok boʻldi.