Ozarbayjonda barcha rus maktablarini yopish haqidagi xabar rad etildi

Ozarbayjonda barcha rus tilida taʼlim beruvchi maktablar yopilishi rejalashtirilayotgani haqidagi xabarlar haqiqatga toʻgʻri kelmaydi. Bu haqda respublika Fan va taʼlim vazirligi maʼlum qildi, deb xabar beradi «RIA Novosti».

Kuni kecha Oxu.Az portalida mamlakatda rus tilida taʼlim beradigan maktablar yopilishi mumkinligi haqida xabar berilgandi va bu maʼlumotni RBK’ning bir maktabdagi manbasi ham tasdiqlagandi.

«Bu – yolgʻon xabar. Bunday maʼlumotlar tarqatilganda faqat rasmiy manbalarga tayanish kerak», – deyiladi vazirlik bayonotida.

Bugun Oxu.Az portalida Ozarbayjon Rossiya bilan munosabatlar taranglashgan bir davrda uch yil ichida mamlakatdagi barcha rus tilida taʼlim beruvchi maktablarni yopishga qaror qilingani haqida xabar berildi. RBK manbasi ham bu maʼlumotni tasdiqlagan. Portal maʼlumotiga koʻra, rus tilida oʻquvchi bolalarning ota-onalariga maktab bilan muloqot messenjerlari orqali muassasalar yaqin bir necha yil ichida ozarbayjon tiliga oʻtishi haqida ogohlantirish berilgan.