Xitoy sun’iy intellekt sohasida raqamli suverenitetni hurmat qilishga chaqirdi

19-avgust kuni Xitoy har bir mamlakatning raqamli suverenitetini hurmat qilishga chaqirdi.

Bu bayonot AQSh boshqa davlatlardan sun’iy intellekt poygasida Pekin va Vashingtondan birini tanlashni talab qilishi haqidagi xabarlar ortidan yangradi.

Xitoy SI masalasida tarafkashlik qilish va guruhlar tuzishga qarshi, — dedi mamlakat Tashqi ishlar vazirligi matbuot kotibi Lin Szyan.

Reuters agentligi ko‘rgan ichki hujjat loyihasi va AQSH rasmiysining so‘zlariga ko‘ra, Vashington o‘nlab davlatlarga Xitoy va AQSH o‘rtasidagi sun’iy intellekt poygasida bir tomonni tanlashni aytishga hozirlanmoqda.

Agar davlatlar bir paytda Pekinning raqobatdosh tizimiga ham qo‘shilsa, AQSH boshchiligidagi sun’iy intellekt koalitsiyasidan chetlatilishi haqida ogohlantiriladi.

“Har bir mamlakat sharoiti va ehtiyojlaridan kelib chiqib, o‘z hamkorlarini tanlash huquqiga ega”, — dedi Lin.