Marsga uchish odamlarni yerdagi ofatlardan himoya qiladi — Ilon Mask

Maskga koʻra, sayyohlar bilan Marsga sayohat qilish faqat har ikki yilda bir marta amalga oshirilishi mumkin.

"Agar uchirilgan barcha kemalar Marsga muvaffaqiyatli qoʻnsa, toʻrt yildan keyin odamlarga moʻljallangan missiyalarni ham amalga oshirishimiz mumkin boʻladi. Mabodo qiyinchiliklar yuzaga kelsa, ekipaj bilan parvozlar yana ikki yilga kechiktiriladi", deydi kompaniya asoschisi.

Maskning qoʻshimcha qilishicha, sayyohlarning Marsga qoʻnishida kuzatilishi mumkin boʻlgan qiyinchilik kompaniyaning kelgusi ishlarini amalga oshirishda qiyinchilik tugʻdiradi. Biroq uchish yerda yuz berishi mumkin boʻlgan koʻplab ofatlardan odamlarni himoya qiladi.

"Qoʻnish muvaffaqiyatli boʻladimi yoki yoʻqmi, "SpaceX” kompaniyasi baribir Marsga yuboriladigan kemalar sonini koʻpaytirishni rejalashtiradi. Biz xohlaymizki, kosmik sayohatchi boʻlishni orzu qilgan har bir kishi Marsga bora olsin! Bu sen, oilang yoki doʻstlaring boʻlishi mumkin — kim oʻzida buyuk sarguzashtga intilish his qilsa, ularga imkoniyat beramiz. Oxir-oqibat, Marsga minglab "Starship" kemalari yuboriladi va bu ajoyib manzara boʻladi!", deya yozgan Mask.

Shuningdek, Ilon Mask "Starship" dasturining katta hajmdagi davlat byurokratiyasi tomonidan boʻgʻilib qolishidan xavotirda ekanligiga ham toʻxtalgan va bu yildan-yilga ortib borayotganini qayd etgan.

"Amerikalik milliarderlarning soʻzlariga koʻra, bu boʻgʻuvchi qogʻozbozlik AQShdagi barcha yirik loyihalarga taʼsir koʻrsatmoqda", deya postni yakunlagan u.