“Chinor” metro bekati 50 kunga yopiladi

Toshkent metropolitenining “Chinor” metro bekatida rekonstruksiya ishlari amalga oshiriladi.

Loyiha doirasida:

• bekatning kirish va chiqish qismlari kengaytirish;
• 4 ta katta sig‘imli zamonaviy lift o‘rnatish;
• qo‘shimcha 12 ta turniket o‘rnatish rejalashtirilgan.

Shu munosabat bilan joriy yilning 13-iyun sanasidan boshlab “Chinor” metro bekati 50 kun muddatga vaqtincha yo‘lovchilar uchun yopiladi.

Metrobuslar qatnovi joriy etiladi

“Chinor” va “Yangihayot” metro bekatlari o‘rtasida, bir bekat masofasida maxsus metrobuslar qatnovi yo‘lga qo‘yiladi.

Metrobuslar belgilangan jadval asosida harakatlanib, yo‘lovchilarning manzillariga o‘z vaqtida yetib borishlariga xizmat qiladi.