Özbekiston Gruziya va Iroqdan yoqilği import qilmoqda

Prezidentga “Özbekneftgaz” aksiyadorlik jamiyatining joriy yil birinçi yarmidagi faoliyati va yil yakuniga qadar ustuvor vazifalari yuzasidan hisobot berildi.

Joriy yilning birinçi yarmida jamiyat tomonidan 11,5 milliard kub metr tabiiy gaz qazib çiqarildi. Ayni paytda neft, dizel yonilğisi, aviakerosin va suyultirilgan gaz işlab çiqariş hajmi prognoz körsatkiçlaridan yuqori böldi.

Yil yakuniga qadar:

• 1 million 100 ming tonna avtobenzin;
• 983 ming tonna dizel yonilğisi;
• 310 ming tonna aviakerosin;
• 606 ming tonna suyultirilgan gaz;
• qariyb 1 million 180 ming tonna sintetik mahsulot işlab çiqariş közda tutilgan.

Dunyodagi geosiyosiy vaziyat keskinlaşişi natijasida Markaziy Osiyo yönalişida aviaqatnovlar soni ortib bormoqda. Jumladan, Özbekistonga amalga oşirilayotgan reyslar soni 2025-yilga nisbatan köpaygan.

Joriy yil iyul-dekabr oylarida aviakerosinga bölgan talab 375 ming tonnani taşkil etişi, ya’ni ötgan yilning mos davriga nisbatan 27 foizga ösişi kutilmoqda. Uning asosiy qismi mahalliy neftni qayta işlaş zavodlari hisobidan qoplanadi.

Şu bilan birga, ayrim hamkor mamlakatlarda neft mahsulotlari eksportiga çeklovlar joriy etilgani sababli muqobil manbalardan, jumladan, Gruziya, Iroq va boşqa davlatlardan aviakerosin import qiliş yölga qöyildi.