Oʻzbekistonda tahsil olayotgan hindistonlik talaba samolyotdagi parvoz vaqtida inson hayotini saqlab qoldi

"Toshkentdan Dehliga uchayotganda samolyotda «Agar bortda shifokor yoki tibbiyot xodimi boʻlsa, iltimos, ekipajga xabar bering» degan eʼlon berildi. Shu payt men: «Ha, men shifokorman, yordam bera olaman», dedim. Bemor 48 yoshli ayol edi, u juda bezovta edi, qattiq xavotirga tushgan. Men bemorning hayotiy koʻrsatkichlarini tekshirganimda yurak urishi tezlashgani, yaʼni taxikardiya xuruji kechayotganini aniqladim. Darhol bemorga karotin massajini qilishga kirishdim va taxminan 10-15 soniyadan soʻng u oʻzini yaxshiroq his qila boshladi. Samolyot Dehliga qoʻngach bemorni shifokorlarga topshirdik", — deydi universitet talabasi.

Eslatib oʻtamiz, avvalroq boshqa bir Hindistonlik talaba Oʻzbekistondagi tibbiyot oliygohlarida taʼlim sifati past ekanligi va oʻqituvchilar ingliz tilida dars oʻta olmayotganligini aytib chiqqan edi.

Joriy yilning 21 iyul kuni Hindiston hukumati oʻz fuqarolariga Toshkent davlat tibbiyot universiteti Chirchiq filialida taʼlim olmaslik qatʼiy tavsiya qilingan edi.

Maʼlum boʻlishicha, ushbu universitetlarda zarur akademik va klinik standartlar yoʻqligi, zarur infratuzilma yoʻqligi, talabalardan haddan ortiq toʻlov olinishi, oʻquv sharoiti va taʼlim sifati borasida yolgʻon maʼlumotlar berilgani aytilgan. Taʼkidlanishicha, baʼzi talabalar oʻqishni tark etmoqchi boʻlganda, ularga bosim oʻtkazilgan.