Raisiy jasadi payshanba kuni Mashhadda dafn etiladi - Eron vitse-prezidenti

M. Mansuriy yakshanba kuni Sharqiy Ozarbayjon viloyatida vertolyot qulashi oqibatida halok boʻlgan I. Raisi va unga hamrohlik qilayotgan jamoa aʼzolari uchun moʻljallangan motam marosimlari haqida ham gapirdi.

Turli viloyatlar aholisi motam marosimlarida ishtirok etishni soʻraganligi sababli, Eron Taʼlim vazirligi seshanbadan jumagacha boʻlgan barcha talabalar imtihonlarini bekor qildi va mamlakat boʻylab talabalar chorshanba kuni darslardan ozod qilinishini aytdi.

I. Raisiyning dafn marosimi seshanbadan payshanbagacha Tabriz, Qum, Tehron, Birjand va Mashhadda boʻlib oʻtadi. 23 may kuni kechqurun prezidentning jasadi Mashhaddagi Imom Rizo maqbarasiga dafn etiladi.

Eron Oliy rahbari Oyatulloh Ali Xomaneiy dushanba kuni voqea munosabati bilan besh kunlik milliy motam eʼlon qildi, deyiladi rasmiy veb-saytida eʼlon qilingan bayonotda.

Ibrohim Raisiyning halok boʻlishi eronliklar orasida turlicha kayfiyatni keltirib chiqardi. Koʻplab quvgʻindagi eronliklar uning oʻlimini bayram qilmoqda, jumladan Londondagi Eron elchixonasi oldida eronlik qochqinlar Raisiy oʻlimini raqsga tushib nishonladi. Bunga sabab sifatida Islom inqilobidan soʻng minglab muxolifat vakillari hamda oddiy fuqarolarning qatl qilinishi koʻriladi.