Yevropa parlamenti deputatlari FIFA rahbariyatiga nisbatan tekshiruv o‘tkazishni talab qildi

72 nafar deputat AQSH terma jamoasi hujumchisi Balogunning qizil kartochkadan keyingi diskvalifikatsiyasi bekor qilingani ortidan FIFA prezidenti Janni Infantinoga nisbatan tekshiruv boshlashga chaqirdi.

Deputatlar fikricha, turnir davomida qizil kartochka bo‘yicha qoidani o‘zgartirish qarori Trampning Infantino bilan telefon muloqotidan so‘ng qabul qilingan.

"Turnir davomida qoidalarni o‘zgartirish — bu sharmandalik va adolat tamoyillarining buzilishidir. Yana bir bor Infantino va FIFA Tramp ma’muriyati bosimiga yon berganiga guvoh bo‘ldik", 
— dedi Yevropa parlamenti deputati Barri Endryus.

Murojaat mualliflari Yevropa Ittifoqining 27 davlati futbol assotsiatsiyalarini FIFA rahbariyatini tashkilotning etika kodeksi doirasida javobgarlikka tortish tashabbusini qo‘llab-quvvatlashga chaqirdi.