Turkmaniston rahbari Mirziyoyevni medal bilan mukofotlashini aytdi

Bugun, 11 oktabr kuni Prezident Shavkat Mirziyoyev Turkmanistonning Ashxobod shahrida boʻlib oʻtayotgan turkman shoiri va mutafakkiri Maxtumquli Firogʻiy tavalludining 300 yilligiga bagʻishlangan "Zamon va sivilizatsiyalarning oʻzaro bogʻliqligi — tinchlik va taraqqiyot asosi" mavzusidagi xalqaro forumda qatnashdi. Bu haqda davlat rahbarining matbuot xizmati maʼlum qildi

Ulashish:

Turkmaniston rahbari Mirziyoyevni medal bilan mukofotlashini aytdi

Turkmaniston rahbari Mirziyoyevni medal bilan mukofotlashini aytdi

Qayd etilishicha, Turkmaniston Prezidenti Serdar Berdimuhamedov raisligida oʻtgan tadbirda Rossiya Federatsiyasi Prezidenti Vladimir Putin, Qozogʻiston Respublikasi Prezidenti Qasim-Jomart Toqayev, Qirgʻiz Respublikasi Prezidenti Sadir Japarov, Tojikiston Respublikasi Prezidenti Emomali Rahmon, Eron Islom Respublikasi Prezidenti Masʼud Pezeshkiyon, Pokiston Islom Respublikasi Prezidenti Osif Ali Zardariy, Moʻgʻuliston Prezidenti Uxnaagiyn Xurelsux, Armaniston Respublikasi Prezidenti Vaagn Xachaturyan, xorijiy davlatlar parlamentlari rahbarlari va yuqori martabali vakillari, xalqaro va mintaqaviy tashkilotlar boshliqlari ishtirok etgan. 

Mazkur tadbirda Mirziyoyev soʻzga chiqib, ushbu forumning oʻtkazilishi xalqlar oʻrtasidagi birodarlik va hamjihatlik rishtalarini mustahkamlash, mamlakatlarni bir-biriga yanada yaqinlashtirishini taʼkidlagan. Shuningdek, Prezident Maxtumquli Firogʻiyning ijodiy merosi nafaqat Sharq mumtoz sheʼriyatini, balki jahon adabiyotini ham boyitganligi eslatib oʻtgan.

"Oʻzbekistonda Maxtumquli ijodi yuksak qadrlanadi. Shoir Xiva shahridagi Shergʻozixon madrasasida tahsil olib, dunyoviy va diniy ilmlarni oʻrgangan. U buyuk oʻzbek shoiri va mutafakkiri Alisher Navoiyni chuqur hurmat qilgan", deydi Oʻzbekiston rahbari.

Bundan tashqari, Prezident joriy yilda Oʻzbekistonda Maxtumquli Firogʻiy tavalludining 300 yilligi keng nishonlanayotgani bildirilgan. Shoir tavalludiga bagʻishlanib anjuman, seminar, adabiy kecha, tanlov, spektakllar va boshqa tadbirlar oʻtkazilayotganligiga toʻxtalgan. Shu oʻrinda Oʻzbek va turkman kinoijodkorlari tomonidan shoir haqida hamkorlikda badiiy film suratga olinishini ham eʼlon qilgan. 

Oʻzbekiston yetakchisi Turkmaniston tashabbusi bilan BMT Bosh Assambleyasi tomonidan eʼlon qilingan "Xalqaro tinchlik va ishonch yili" doirasida kelgusi yili Ashxobod shahrida global sammit oʻtkazilishini qoʻllab-quvvatlashini bildirgan. 

Turkmaniston Prezidenti Serdar Berdimuhamedov Oʻzbekiston Prezidentiga mazmunli nutq hamda Maxtumquli Firogʻiy xotirasini abadiylashtirish borasida Oʻzbekistonda amalga oshirilayotgan chora-tadbirlar uchun minnatdorlik bildirib, turkman shoiri va mutafakkiri tavalludining 300 yilligi munosabati bilan Mirziyoyevni medal bilan mukofotlash toʻgʻrisidagi qaror qabul qilinganini maʼlum qildi.

Oʻzbekiston

11.10.2024, 15:14

Ulashish:

Mavzuga oid yangiliklar

Turkmanistonda ish haqi va nafaqalarni oshirmaslik taklif qilindi

Turkmanistonda ish haqi va nafaqalarni oshirmaslik taklif qilindi

Turkmanistonda yillar davomida ish haqi, pensiya, davlat toʻlovlari va stipendiyalar yillar davomida oshirilib, mamlakat aholining ijtimoiy-maishiy sharoiti yuqori darajaga yetganligi bois ularni oshirmaslik taklif qilindi. Bu taklifni Turkmaniston Xalq Maslahati kengashi oqsoqollarining aʼzosi Yozmurod Otamurodov bergan.

Jahon

24.09.2025, 16:00

Mirziyoyev amaliy tashrif bilan Turkmanistonga joʻnab ketdi

Mirziyoyev amaliy tashrif bilan Turkmanistonga joʻnab ketdi

Shavkat Mirziyoyev Turkmaniston Prezidenti Serdar Berdimuhammedov taklifiga binoan BMTning Dengizga chiqish imkoni boʻlmagan rivojlanayotgan mamlakatlar boʻyicha uchinchi konferensiyada ishtirok etish uchun amaliy tashrif bilan Turkmanistonga joʻnab ketdi.

Siyosat

04.08.2025, 15:43

Xitoy Markaziy Osiyoning abadiy qoʻshnisiga aylandi

Xitoy Markaziy Osiyoning abadiy qoʻshnisiga aylandi

Qozogʻistonda "Markaziy Osiyo - Xitoy" ikkinchi sammiti boʻlib oʻtdi. Unda prezident Shavkat Mirziyoyev ham ishtirok etdi. Sammitda nimalar gaplashildi? Mirziyoyev oʻz nutqida nimalarni tilga oldi? Xitoy nega mintaqa mamlakatlariga begʻaraz 207 million AQSh dollari miqdorida yordam koʻrsatmoqchi? 

Siyosat

18.06.2025, 17:48

Markaziy Osiyoda kuchlar kurashi: qaysi davlatlarda xorijiy harbiy bazalar bor?

Markaziy Osiyoda kuchlar kurashi: qaysi davlatlarda xorijiy harbiy bazalar bor?

Dunyoda qudratli harbiy kuchga ega davlatlar oʻz taʼsir doirasini kuchaytirish va soʻzini oʻtkazish uchun maʼlum hududlarda harbiy bazalar ochadi. Masalan, Amerika Qoʻshma Shtatlarining 80 ta davlatda, Rossiyaning 14 ta, Turkiyaning 11 ta, Eron va Saudiya Arabistonining uchta mamlakatda oʻz harbiy bazalari mavjud. Markaziy Osiyo hududida ham bir nechta xorijiy harbiy bazalar joylashgan. Xoʻsh, ular qaysi davlatlarga tegishli va mintaqada bu borada kimning taʼsiri kuchli? Bugun shu haqda gaplashamiz.

Siyosat

04.02.2025, 14:04

Berdimuhamedovlarning surati tushirilgan gazetalarni oʻqishdan boshqa maqsadlarda foydalanish taqiqlandi

Berdimuhamedovlarning surati tushirilgan gazetalarni oʻqishdan boshqa maqsadda foydalanish taqiqlandi

Turkmanistonda mamlakat prezidenti hamda uning oila aʼzolari tasvirlangan gazeta-jurnallarni turli maqsadlarda ishlatib, ularni ifloslantirmaslik haqida davlat amaldorlaridan yozma majburiyatnoma olinmoqda. Bu haqda shunday hujjatga imzo chekkan bir qancha davlat mulozimlariga tayanib, "Ozodlik radiosi"ning turkman xizmati xabar berdi.

Jahon

30.01.2025, 14:05

Dunyoga yoyilmoqchi boʻlgan turkman gazini kim cheklamoqda?

Dunyoga yoyilmoqchi boʻlgan turkman gazini kim cheklamoqda?

Joriy yilning 5 noyabr kuni Turkmaniston Xalq Maslahati raisi Gurbanguli Berdimuhamedov va Prezident Shavkat Mirziyoyev oʻrtasida boʻlib oʻtgan muloqotda Turkmanistonning Oʻzbekistonga yetkazib berayotgan tabiiy gaz hajmini oshirish boʻyicha navbatdagi kelishuvga erishildi. Dunyoda gaz zaxiralari boʻyicha 4-oʻrinda turadigan Turkmaniston negadir faqat Rossiya, Xitoy hamda Markaziy Osiyo davlatlariga tabiiy gaz eksport qiladi. Buning sababi nima? Rossiyaning postsovet mamlakatlariga taʼsirimi yoki boshqa omillar mavjudmi?

Jahon

07.12.2024, 13:52

So‘nggi yangiliklar

Yaponiyada kuchli boʻron oqibatida 30 kishi halok boʻldi

20 yanvardan boshlab yogʻgan yomgʻir va qor oqibatida 100dan ortiq odamlar jabrlandi. Qariyb ikki metrli qor toʻplamini tozalashda hukumatning himoya kuchlari yordam bermoqda.

Jahon

04.02.2026, 15:26

Norvegiya monarxiyani saqlab qoldi

Norvegiya parlamenti mamlakatda monarxiya boshqaruv shaklini saqlab qolishga qaror qildi. Seshanba kuni boʻlib oʻtgan ovoz berishda deputatlarning katta qismi qirollik tizimi tarafdori boʻldi.

Jahon

04.02.2026, 12:33

Oʻzbekistonda urbanizatsiya poygasi: 2026 yilda 140 ming xonadon uchun uy quriladi

Oʻzbekiston oʻz tarixidagi eng yirik qurilish va urbanizatsiya islohotlari ostonasida turibdi. 2040 yilgacha uy-oʻy qurilishi ikki barabar oshib ketadi! Renovatsiya ulushi 60%ga chiqadi, tadbirkorlar uchun "qurilishga tayyor yer" tizimi joriy etiladi.

Iqtisodiyot

04.02.2026, 12:07

15 million aholining maʼlumotlari sizdirilgani haqidagi xabarlarga rasmiy munosabat bildirildi

Ijtimoiy tarmoqlarda Oʻzbekistonda 15 million fuqaroning shaxsiy maʼlumotlari “Dark Web”ga chiqib ketgani va aholini roʻyxatga olish platformasi — Stat.uz kiberhujumga uchragani haqida xabarlar tarqaldi.

Oʻzbekiston

04.02.2026, 09:52

Jeffri Epshteyn ishi: oshkor etilgan fayllar va elita bilan aloqalar

Yuzlab bolalar va ayollarga nisbatan jinsiy zoʻravonlik sodir etganlikda ayblangan marhum milliarder Jeffri Epshteyn soʻnggi kunlarda yana jahon axborot makoni markazida turibdi.

Jahon

03.02.2026, 16:44

Toshkentda mast holatda operatsiya qilgan soxta jarrohlarga hukm oʻqildi

Toshkentda tibbiy maʼlumotga ega boʻlmagan er-xotin mast holatda plastik operatsiyalar oʻtkazib, bir necha ayolning sogʻligʻiga ogʻir va qaytarib boʻlmas zarar yetkazgan. Sudda maʼlum boʻlishicha, noqonuniy “klinika” yertoʻlada tashkil etilgan, amaliyotlar esa eng arzon materiallar bilan amalga oshirilgan.

Oʻzbekiston

03.02.2026, 15:36

15 mln oʻzbekistonlikning shaxsiy maʼlumotlari sizdirilgani rostmi?

Ijtimoiy tarmoqlar hamda ayrim axborot manbalarida Oʻzbekiston hukumat tizimlaridan kamida 15 million nafar fuqaroning shaxsiy maʼlumotlari oʻgʻirlangani va «Dark Web»ga joylashtirilgani haqida xabarlar tarqalmoqda.

Oʻzbekiston

03.02.2026, 14:36

YaTT va oʻzini oʻzi band qilganlar uchun maxsus QR-kod: u nima va qanday ishlaydi?

2026 yildan boshlab yakka tartibdagi tadbirkorlar (YaTT) hamda oʻzini oʻzi band qilgan shaxslar maxsus QR-kodga ega boʻlishlari shart.

Oʻzbekiston

03.02.2026, 12:06

Toshkentda bank xodimi 120 ming dollar kredit mablagʻini qimorga tikdi

Yashnobod tumanidagi bank filiali boʻlim boshligʻi jinoiy sheriklari bilan til biriktirib, qalbaki hujjatlar orqali kredit mablagʻlarini qimor oʻyinlariga sarflagan.

Oʻzbekiston

03.02.2026, 09:37

«Paradigma»da eʼtirof: yetuk jurnalistlar va faollar qadrlandi

«Paradigma Media» tahririyati bir qator jurnalistlar, jamoatchilik vakillari hamda inson huquqlari himoyachilarining jamiyat rivojiga qoʻshayotgan hissasini yuksak baholab, ularni sohasining yetuk va fidoyi namoyandalari sifatida eʼtirof etdi. Ushbu tashabbus soʻz erkinligi, fuqarolik masʼuliyati va ochiq jamiyat tamoyillarini qoʻllab-quvvatlashga qaratilgan.

Madaniy

02.02.2026, 19:18

Nodirbek Abdusattorov Niderlandiyadagi nufuzli shaxmat turnirida gʻalaba qozondi

Niderlandiyaning Veyk-an-Zeye shahrida shaxmat boʻyicha 2026 yilgi Tata Steel Chess turniri yakunlanmoqda. Musobaqaning umumiy sovrin jamgʻarmasi 1,2 million AQSh dollarini tashkil etadi.

Sport

02.02.2026, 09:47

Turkiyada yoʻlovchi avtobusi halokatga uchradi: qurbonlar bor

Turkiyaning Antaliya viloyatida yoʻlovchi avtobusi ishtirokida yirik yoʻl-transport hodisasi sodir boʻldi. Fojia oqibatida 9 nafar inson halok boʻlgan, yana 26 kishi turli darajadagi tan jarohatlari olgan.

Jahon

02.02.2026, 09:17