Bogʻot tumanidagi maktab oldida xavfli chorraha

Murojaat mualliflarining bildirishicha, ushbu maktabda tahsil olayotgan oʻquvchilarning ota-onalari hamda haydovchilar mazkur chorrahaning tartibga solinmagani sababli kundalik harakat jarayonida xavfli vaziyatlar tez-tez yuzaga kelayotganidan xavotir bildirmoqda. Ayniqsa, maktabga kelib-ketayotgan bolalar hayoti uchun xavf yuqori ekani taʼkidlangan.

Shu munosabat bilan, murojaatda ushbu chorrahaga svetofor oʻrnatish hamda masʼul idoralar tomonidan nazoratni kuchaytirish boʻyicha amaliy choralar koʻrish soʻralgan. Fuqarolarning fikricha, bunday tadbirlar yoʻl-transport hodisalarining oldini olish va oʻquvchilar xavfsizligini taʼminlashga xizmat qiladi.

Maʼlumot uchun, murojaatda koʻrsatilgan manzil: Bogʻot tumani, Feruz koʻchasi, Jinoyat ishlari boʻyicha sud joylashgan chorraha.

Paradigma tahririyati ushbu masala mutasaddi tashkilotlar tomonidan oʻrganilib, tegishli choralar koʻrilishiga umid bildiradi.