Elektron ruxsatnomasiz maşinani jarima maydonçasidan çiqariş taqiqlanadi

Vazirlar Mahkamasining 2026 yil 22 sentyabrdagi 508-son qaroriga muvofiq, Toşkent şahrida qonunçilik hujjatlari buzilganligi uçun uşlangan transport vositalarini vaqtincha saqlaş joylariga olib kelish, joylaştirish va saqlab turish tartibi tasdiqlandi.

Nizomga köra, vakolatli davlat organi transportni jarima maydonçasiga joylaştirish haqida qaror qabul qilganda, bu haqda "Jarima maydonçasi" moduli orqali tegişli davlat organlari va xizmat körsatuvçi yuridik şaxslarga xabar yuboriladi.

Transportni boşqarishdan çetlaştirish nazarda tutilgan huquqbuzarlik sodir etilganda, transport vositasi jarima maydonçasiga faqat maxsus texnika, jumladan, evakuator yoki manipulyator yordamida olib kelinişi mumkin.

Uşlangan transport vositasini saqlab turişga sabab bölgan holatlar bartaraf etilgandan keyin uni jarima maydonçasidan çiqarişga "Jarima maydonçasi" moduli orqali ruxsat beriladi.

Ruxsatnoma ma'muriy işni körib çiquvçi organning mansabdor şaxsi tomonidan aynan şu modul orqali rasmiylaştiriladi. Hujjat QR-kod bilan tasdiqlanadi.

Rasmiylaştirilgan elektron ruxsatnoma transport vositasi haydovçisi hamda saqlab turiş xizmatini körsatuvçi yuridik şaxsga "Jarima maydonçasi" moduli orqali bir ish kuni içida yuboriladi. Şuningdek, haydovçining telefon raqamiga SMS xabar ham jönatiladi.

Yangi tartibda elektron tizimdan taşqari rasmiylaştirilgan ruxsatnomalarga alohida çeklov belgilangan. Jumladan, "Jarima maydonçasi" moduli orqali rasmiylaştirilmagan ruxsatnoma asosida uşlangan transport vositasini jarima maydonçasidan çiqarib yuborish taqiqlanadi.

Şu tariqa, transportni saqlaşga asos bölgan holatlar bartaraf etilganidan keyin ham uni çiqarish jarayoni elektron tizimda rasmiylaştirilgan ruxsatnoma asosida amalga oşirilişi şart.

Nizom Toşkent şahrida qonunçilik buzilishi sabab uşlangan transport vositalarini vaqtincha saqlaş, ularni joylaştirish va çiqarish jarayonlarini yagona tartib asosida amalga oşirişni belgilaydi.