АҚШ Ўзбекистондан фойдаланмоқчи

Россия-Украина уруши бошланганидан кейин баъзи давлатларга АҚШдан тўғридан тўғри рейслар бекор қилинган. Трамп администрацияси АҚШдан депортация қилинган Собиқ Иттифоқ таркибидаги давлатларнинг фуқаролари учун Ўзбекистондан транзит нуқтаси сифати фойдаланиш учун мамлакат билан музокаралар ўтказган. Бу ҳақда "Washington Post" маълум қилди.

Сиёсат

07.05.2025, 17:33

Lotinchada

Улашиш:

AQSh Oʻzbekistondan foydalanmoqchi

Қайд этилишича, АҚШ ҳукумати томонидан тайёрланган ҳужжатларни Ўзбекистон ҳукумати расмий бу таклифни рад этмаган.

"Ҳолат сиёсий нозикликларга олиб келиши мумкинлигини тан олган АҚШ расмийси, ушбу келишувни амалга ошириш учун мамлакатлар раҳбарлари ўртасида қўнғироқ ёки бошқа юқори даражадаги учрашув каби “аниқ имтиёзлар” таклиф этилишини билдирди", дейилади мақолада.

АҚШ расмийларига кўра, Қўшма Штатлар Ўзбекистон билан бундай ҳаракатлар олиб боришда эҳтиёткорлик билан иш тутиши керак. Чунки учинчи давлат фуқароларининг Ўзбекистоннинг қабул қилиши баъзи муаммоларни келтириб чиқариши мумкин.

Шунингдек, "бизнинг рақибларимиз, айниқса Хитой ва Россия" томонидан тобора чуқурлашиб бораётган икки томонлама ҳамкорликни издан чиқариш учун фойдаланилиши мумкинлиги ҳақида огоҳлантирган.

"Washington Post" мазкур ҳолат юзасидан Ўзбекистоннинг АҚШдаги элчихонасига сўров юборган лекин элчихона жавоб бермаганини ёзмоқда.

PARADAIGMA.UZ мазкур ҳолатга аниқлик киритиш учун Ташқи ишлар вазири матбуот котиби Аҳрор Бурҳоновга боғланди. Бурҳоновга кўра, ҳозир унинг қўлида бундай маълумот мавжуд эмас.

AҚШ ҳукумат тепасига Доналд Трамп келганидан сўнг АҚШ Ўзбекистон муносабатлари илиқлашаётганини айтиш мумкин.

Эслатиб ўтамиз, жорий йилнинг 30 апрель куни Ўзбекистон АҚШдан депортация қилинган 131 нафар шахсни қабул қилган эди. Улар орасида ўзбекистонликлардан ташқари 19 нафар қозоғистонлик ва 20 нафар қирғизистонлик бўлган.

Сиёсат

07.05.2025, 17:33

Улашиш:

#Шавкат Мирзиёев #АҚШ #Доналд Трамп

мавзуга оид янгиликлар