Диний уламо Мубашшир Аҳмад иши судга оширилди

Мубашшир Аҳмадга нисбатан очилган жиноят иши судда кўриб чиқиш учун юборилди. Бу ҳақда адвокат Руслан Содиқов Фаcебоокъдаги саҳифасида маълум қилди.

Улашиш:

Diniy ulamo Mubashshir Ahmad ishi sudga oshirildi

Foto: Facebook / Mubashshir Ahmad

Руслан Содиқовнинг ёзишича, Мубашшир Аҳмад номи билан танилган уламо Алишер Турсунов қўзғатилган жиноят иши доирасида жорий йил 10 майдан эътиборан қамоқда сақланмоқда. Дастлабки тергов ҳаракатлари Давлат хавфсизлик хизмати Тергов бошқармаси томонидан амалга оширилган.

 

“Эндиликда жиноят иши тамомланиб, судга оширилгани боис устознинг адвокати сифатида ишга оид баъзи тафсилотлар, шахсан ўзларининг ҳолатлари ва муносабатлари ҳақида қисқача маълумот беришни лозим кўрдим”, — деб баёнот берган адвокат.

 

Руслан Содиқов ўз баёнотида жиноят ишининг айрим тафсилотларини келтирган. Унинг қайд этишича, 2023 йил 11 август куни Шайхонтоҳур туман ИИБ тергов бўлими томонидан Мубашшир Аҳмадга нисбатан Жиноят кодексининг 244-3-моддаси билан жиноят иши қўзғатилган.

 

Мазкур моддада диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш жиноятини содир этганлик кўзда тутилган.

 

Адвокатга кўра, ушбу қилмиш жиноят сифатида эътироф этилиши учун олдин айни шу ҳаракатга маъмурий жазо қўлланишини тақозо этади. Қонунчиликка асосан, ҳар қандай диний мазмундаги материал Дин ишлари қўмитаси хулосаси асосидагина тайёрланиши, сақланиши ва тарқатилиши мумкин. Бу қоида бузилиши дастлаб маъмурий жазо, ундан кейин бир йил ичида такроран содир этилган тақдирда жиноий жавобгарликка тортишга сабаб бўлади.

 

Мубашшир Аҳмад 2023 йилда қўмита хулосасини олмасдан ўзи фаолият юритган “Азон ТВ” каналида диний мазмундаги материални тарқатгани учун маъмурий жазога тортилган. 2023 йилда бу ҳолат такрорий содир этилган деб топилиб, жиноят иши қўзғатилган.

 

“Устоз бу ҳолатдан хабардор бўлмаганлар ва Туркия Республикасида вақтинча яшаб юрган даврда уларга нисбатан қидирув эълон қилинган. Кейинчалик, 2023 йил 10 ноябрь куни устоз Мубашшир Аҳмадга нисбатан сиртдан қамоққа олиш эҳтиёт чораси қўллаш ҳақида судга илтимоснома киритилган. Суднинг айни шу кунги ажрими билан илтимоснома рад қилинган ва эҳтиёт чораси ўзгаришсиз, муносиб хулқ-атвордаги тилхат орқали очиқда қолдирилган ҳамда жиноят иши ҳаракатдан тўхтатилган”, — деб ёзган у.

 

Адвокат баёноти давомида 2025 йил майда Мубашшир Аҳмад қўлга олингани ва унга нисбатан Жиноят кодекси 244-1-моддаси 3-қисми “г” банди билан қўшимча айблов эълон қилинганини қайд этган. Бу модда тарқатилган диний мазмундаги материалнинг экстремизм, сепаратизм ва ақидапарастлик ғоялари билан йўғрилганини назарда тутади.

 

Мубашшир Аҳмадга нисбатан ушбу қўйилган айбловга Telegram ижтимоий тармоғидаги “Мубашшир Аҳмад” номли каналга жойлаштирилган “Уламоларнинг Исроилга қарши жиҳод фатвоси нимани англатади?” номли видеодаги суҳбат асос бўлган. Лекин айбланувчи тариқасида иштирок этишга жалб қилиш ҳақидаги қарорда айблов учун фақат Дин ишлари бўйича қўмитанинг хулосаси, яъни материалнинг ақидапарастлик ғоялари билан йўғрилганини тасдиқловчи далил кўрсатилган бўлиб, жиноятнинг зарурий белгиси – унинг мақсадини акс эттирувчи белгиларга оид ҳеч қандай экспертиза хулосаси далил сифатида эътироф этилмаган, деб ёзган адвокат.

 

2025 йил 14 май куни жиноят ишининг дастлабки тергови ДХХ Тергов бошқармасига ўтказилган. Тергов жараёнида уламонинг “Азон глобал” халқаро медиаканали ва ижтимоий тармоқдаги бошқа каналларидаги материаллар текширилган. Натижада уларнинг фаолиятида Ўзбекистонга қарши жиноятлар, тинчлик ва хавфсизликка қарши оғир жиноятлар содир этилмагани тасдиғини топган.

 

Истисно сифатида Исроилнинг Ғазода содир этаётган геноцидига оид берилган фикрлари ва баъзи бошқа ҳолатларга оид фикрларида экспертиза хулосасига кўра миллий, ирқий, этник ёки диний адоват қўзғатиш жинояти аломати аниқланиб, айблов Жиноят кодексининг 156-моддаси 2-қисми билан тўлдирилди. Модда санкциясига кўра, ушбу ҳаракат учун жазо уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш белгиланган, деб ёзган Руслан Содиқов.

Адвокатнинг қайд этишича, Мубашшир Аҳмад айбловга нисбатан муносабат билдириб, диний мазмундаги материални тарқатиш учун Туркияда фаолият кўрсатгани учун Ўзбекистондаги Диний қўмитадан хулоса олишга зарурат йўқ деб ўйлаганини айтган. Уламолар фатвосини таржима қилиб, тушунтириши билан боғлиқ материалда ҳам айни шу сабабдан хулоса олинмаган.

 

"Домла материал тарқатилишидан кўзланган мақсад сифатида мусулмон аҳоли ўртасида фатво нотўғри маънода тушунилишининг олдини олиш, Ғазода жиҳод қилиш бизга фарз бўлибди деб, илгари Сурияга одамлар оммавий кўчиб боришига ўхшаш вазият ва оқибатлар юз беришининг олдини олишни кўзлаганини билдирган. Шу билан бирга, фатвонинг фуқаролар учун эмаслиги, давлат сафарбарлик эълон қилган тақдирдагина бориш мумкинлигини, уруш бўлаётган ҳудудга фуқароларнинг ўзлари кира олмаслигини англатиш, мусулмон халқининг тотувлиги кўзланганини, давлат хавфсизлиги ва халқ тотувлигини фаолиятида пировард мақсад сифатида кўришини маълум қилган", — дея маълумот берган адвокат.

 

Руслан Содиқов баёнотида Мубашшир Аҳмадга нисбатан қўйилган айбловларнинг баъзи қисмларига эътирозлар борлигини билдирган.

мавзуга оид янгиликлар

Мубашшир Аҳмаднинг адвокати суд ҳукмидан розими? Видеорепортаж

Тошкент шаҳар жиноят ишлари бўйича Учтепа тумани судида жамоатчилик орасида Мубашшир Аҳмад номи билан танилган диний уламо Алишер Турсуновга оид суд мажлиси бўлиб ўтди. 

Ўзбекистон

08.10.2025, 22:14

Мубашшир Аҳмад 2 йил 6 ойга қамалди

Жамоатчилик орасида Мубашшир Аҳмад номи билан танилган диний уламо Алишер Турсуновга суд томонидан 2 йил 6 ой муддатга қамоқ жазоси тайинланди.

Ўзбекистон

08.10.2025, 17:56

Kun.uz

Прокурор Мубашшир Аҳмадга 7 йил озодликдан маҳрум қилиш жазосини сўради

Аввал хабар қилганимиздек, Тошкент шаҳар жиноят ишлари бўйича Учтепа тумани судида жамоатчилик орасида Мубашшир Аҳмад номи билан танилган диний уламо Алишер Турсуновга оид суд жараёнлари бўлиб ўтмоқда.

Ўзбекистон

19.09.2025, 08:10

Мубашшир Аҳмад иши бўйича учинчи суд мажлиси бўлиб ўтди

Тошкентда Мубашшир Аҳмад тахаллуси билан танилган диний уламо Алишер Турсуновга нисбатан кўрилаётган жиноят ишининг учинчи суд мажлиси бўлиб ўтди. Очиқ суд мажлисида — диний уламо ўзига қўйилган айбловлар юзасидан сўроқ қилинди. Қўшимча экспертнинг сўроқ қилинишига рухсат берилмади.

Ўзбекистон

16.09.2025, 11:01

Mubashshir Ahmad sud ishi birinchisi oʻtdi, keyingisi kuzga qoldirildi

Мубашшир Аҳмад суд иши биринчиси ўтди, кейингиси кузга қолдирилди

Бугун, 19 август куни Жиноят ишлари бўйича Тошкент шаҳар Учтепа туман судида диний уламо Мубашшир Аҳмад (Алишер Турсунов) суди бўлиб ўтди. Суд иши айрим гувоҳларнинг судга келмаганлиги учун 8 сентябрга қолдирилди. Бу ҳақда PARADIGMA.UZ журналисти хабар қилди.

Ўзбекистон

19.08.2025, 18:40

Мубашшир Аҳмад Туркиядаги уйидан гумонланувчи сифатида олиб кетилди

Мубашшир Аҳмад тахаллуси билан танилган диний блогер, "Азон Глобал" ахборот-таҳлилий портал етакчиси Алишер Тусунов 8 май  Туркиянинг Истанбул шаҳри Баҳчешеҳир мавзесидаги уйидан гумонланувчи сифатида олиб кетилган. Ҳозирда Турсуновнинг қаердалиги ва унинг соғлиғи ҳақида оила аъзоларида ҳам маълумот мавжуд эмас.

Ўзбекистон

12.05.2025, 15:15

сўнгги янгиликлар

“World Boxing” рейтинги: 6 та вазнда ўзбек боксчиси тенгсиз

Бокс бўйича халқаро мусобақаларни ташкил этувчи “World Boxing” ташкилоти ўзининг 10 та вазн тоифаси бўйича янгиланган рейтингини эълон қилди.

Спорт

28.10.2025, 19:21

Фуқароларга энергия самарадор қурилмаларни харид қилиш ва ўрнатиш учун субсидия ажратилади

Ҳукуматнинг 2025 йил 24 октябрдаги 673-сон қарори билан “Аҳоли уй-жойларини энергия аудитидан ўтказиш, энергия самарадор қурилмаларни харид қилиш ва ўрнатишда субсидия ажратиш тўғрисида”ги низом тасдиқланди.

Иқтисодиёт

28.10.2025, 18:17

Кадр из видео

Қамчиқ довонида юк машинаси иштирокида ЙТҲ содир бўлди

Қамчиқ довонида автомобил ташувчи юк машинаси йўлдан чиқиб кетди. Ҳодиса оқибатида жабрланувчилар йўқ.  Унда ташилган автомобиллар сони ва уларнинг шикастланиш даражаси ҳақида ҳозирча маълумот берилмаган.

Ўзбекистон

28.10.2025, 18:11

Исроил: Эрдўған бошчилигидаги Туркия Исроилга нисбатан дипломатик ва иқтисодий санкциялар жорий этди

Исроил ташқи ишлар вазири Гидеон Саарнинг таъкидлашича, Туркия президенти Ражаб Тоййиб Эрдўған раҳбарлигидаги ҳукумат Исроилга нисбатан нафақат сўзларда, балки дипломатик ва иқтисодий санкциялар орқали ҳам муносабатини намоён этмоқда.

Жаҳон

28.10.2025, 17:15

Хоразмда 1,6 млрд сўмлик ноқонуний тамаки маҳсулотлари аниқланди

Хоразм вилоятида қиймати 1,6 миллиард сўм бўлган электрон тамаки маҳсулотларини ноқонуний савдога чиқариш ҳолати аниқланди.

Ўзбекистон

28.10.2025, 16:19

Трамп Япония байроғи ёнида қотиб қолди, Оқ уй унинг соғлиги ҳақида баёнот берди

Японияга расмий ташриф билан келган  АҚШ Президенти Доналд Трамп кутилмаган ҳаракати билан ҳаммани ҳайратда қолдирди. Кутиб олиш маросими пайтида икки мамлакат байроқлари олдида тўхтаб, таъзим қилиши керак бўлган Трамп бир муддат жойида қотиб қолди ва йўлида давом этди.

Жаҳон

28.10.2025, 16:09

Ўзбекистонда аҳолининг зичлик даражаси эълон қилинди

Миллий статистика қўмитаси маълумотларига кўра, 2025 йилнинг 1 октябрь ҳолатига кўра Ўзбекистонда 1 квадрат километр майдонга ўртача 84,8 киши тўғри келган.

Ўзбекистон

28.10.2025, 15:14

Рустам Қосимжонов Ўзбекистон терма жамоаси бош мураббийи этиб тайинланди

Халқаро гроссмейстер, 2004 йилги FIDE жаҳон чемпиони Рустам Қосимжонов Ўзбекистон эркаклар миллий шахмат терма жамоасига бош мураббий этиб тайинланди.

Спорт

28.10.2025, 14:17

Мирзаобод тумани собиқ ҳокими жиноий жазога тортилди

Жиноят иши Сардоба сув омборидаги фавқулодда ҳолат оқибатларини бартараф этиш билан боғлиқ: туманни 2020-2023 йилларда бошқарган Жонибек Яриев тошқинда уй-жойи бузилган оилалар учун қурилган ўнга яқин янги уйни белгиланган талабларга зид равишда бериб юборган.

Ўзбекистон

28.10.2025, 13:41

Истанбул мэри Имомоғлуга янги айблов қўйилди

Туркия суди мухолифатдаги Республика халқ партияси (CHP) етакчиси, Истанбул мэри Экрем Имомоғлуга нисбатан янги ҳибсга олиш ордерини чиқарди.

Жаҳон

28.10.2025, 12:51

Путиннинг режаси: Покровск ноябргача эгалланиши мумкин

2024 йилгача муҳим логистик марказ бўлиб келган Покровск агар қўлдан кетса, Россия қўшинлари учун янги ҳужум йўллари очилади.  РФ Қуролли кучларининг кичик бўлинмалари Украина армиясидаги жангчилар етишмаслигидан фойдаланиб, шаҳарга киришни бошлагани айтилмоқда.

Жаҳон

28.10.2025, 11:59

Сербия президенти Ўзбекистонга келди

Ўзбекистон президенти Шавкат Мирзиёевнинг таклифига биноан Сербия президенти Александр Вучич рафиқаси ҳамроҳлигида 28 октябрь куни расмий ташриф билан Ўзбекистонга келди.

Сиёсат

28.10.2025, 11:33