«Дўстлик» чегара пунктида катта рейд бошланди

Чегара пунктидаги 116 та айирбошлаш шохобчасидан 84 таси лицензиясиз фаолият юритган. Аввалроқ, Қирғизистон МХДҚ ва Марказий банкнинг Ош бўлими томонидан қонунбузарларга 17,5 минг сом миқдорида жарима солинган, бироқ улар фаолиятни давом эттирган.

Шу сабабли МХДҚ Жиноят кодексининг 218-моддаси, 2-қисми («Йирик миқёсда даромад олиш билан боғлиқ ноқонуний тадбиркорлик ва банк фаолияти») бўйича жиноят иши қўзғатди.

Тинтувлар давомида турли валютадаги катта миқдорда нақд пуллар мусодара қилинган:
– 66,49 миллион сом,
– 941 минг АҚШ доллари,
– 3,635 миллиард ўзбек сўми,
– 3,53 миллион тенге,
– 66,73 миллион рубль,
– 170 сомони,
– 29,89 минг турк лираси,
– 23,36 минг евро,
– 53,92 минг юань.

Ҳозирда барча айирбошлаш шохобчалари ёпилди ва муҳрланди.
МХДҚ маълумотга кўра, тергов ҳаракатлари давом этмоқда, иш натижаларига кўра ҳуқуқий баҳо берилади.