Дунёнинг энг бой Топ 5 спортчилари ҳақида биласизми?

Рўйхатнинг энг юқори қисмини кўпчиликка машҳур бўлган  футбол юлдузи Криштиану Роналду эгаллаб турибди.

1.  Криштиану Роналду

Португалиялик футболчи  дунёнинг энг кўп маош олувчи ва бой спортчиси сифатида тўртинчи марта бу рўйхатни энг юқори қисмини эгаллаб турибди. У умумий 260 миллион долларлик даромадга эга. Йиллик даромаднинг 200 миллион доллари Саудия Про-лигасидаги "Ал Насср" клуби билан шартномасига тўғри келади. Қолганлари эса Роналдунинг майдондан ташқари реклама, инстаграм ва бошқа бизнеслари ҳисобига келади. Яқинда португалиялик юлдуз ўз You Tube каналини очди ва жуда қисқа вақтда миллионлаб обуначига эга бўлди. Бу дегани энди Роналду ўзининг You Tube платформасидан ҳам анча даромад қилади. 

Маълумот учун, Криштиану Роналдуни инстаграмдаги обуначилари 638 миллион, You Tube каналидаги обуначилари 55,9 миллионни ташқил қилади.

2.  Жон Раҳм

1994 йилда Америкада туғилган Жон Раҳм рейтингда иккинчи ўринни эгаллаб турибди. Ҳаваскор Голфчи ҳозирда Испанияда истиқомат қилади. Унинг асосий даромад манбайи Голф спорти ҳисобланади. 2022 йил февраль ойида Саудия Арабистони томонидан қўллаб-қувватланган профессионал голф лигасини ташкил этилиши унинг ҳаётида катта аҳамият касб этди. Жон Раҳм 2023 йилда лигага қўшилди ва ЛИВнинг 13-жамоаси таркибида ўйнай бошлади. Шундан сўнг Жон Раҳмнинг даромади кўтарилиб кетди. Ҳозирда у Легион 12 сардори этиб тайинланган. Голф оламидаги энг юқори даромадга эга спортчининг йиллик фойдаси 218 миллион долларга тенг. Даромаднинг 20 миллионини у Голфдан ташқари бизнесларидан олади. 

3.  Лионел Месси

Рейтингнинг кучли учлигидан Аргентиналик футболчи Лео Месси ўрин олди. Мессининг "Inter Мayami"га ўтиши унга бир қанча эшикларни очиб берди. Футболчи АҚШ клубидаги бир неча миллион долларлик маошидан ташқари кўплаб брендлар билан тузган шартномаси орқали ҳам катта даромадга эга. Мисол учун улардан бири Роял Cариббеан. Бундан ташқари, у Apple, Adidas ва Konami каби ҳомийлар билан келишувлар тузган. Лео Мессининг умумий даромади 135 миллион доллорни ташкил қилади. Футболчи клубидан 65 миллион доллор олса, спортдан ташқаридаги бизнесларидан 70 миллион доллар даромад қилади. Бундан кўриниб турибдики Мессининг асосий даромад манбайини футбол эмас, реклама ва ташқи бизнеслар ташкил қилади.

4. Леброн Жеймс

Тўрт карра NBA чемпиони, иккита Олимпия медали соҳиби ва NBAтарихидаги энг кўп очко тўплаган баскетболчи ҳозирда "Лос-Анжелес Лейкерс" жамоаси аъзоси Леброн Жеймс рейтингда тўртинчи ўринни эгаллади. Унинг умумий даромади 128 миллион долларни ташкил этади. 40 ёшли америкалик баскетболчи ўзи шуғулланаётган спорт туридан йиллига 48 миллион доллар даромад қилади. Жеймснинг спортдан ташқари келадиган йиллик фойдаси 80 миллион долларга тенг. Леброн Жеймс ўз бойлигини кўпайтириш мақсадида январь ойида DraftKings билан ҳамкорликни йўлга қўйди.

5.  Жаннис Антетокоунмпо

Умумий йиллик даромади 111 миллион долларни ташкил қилувчи баскетболчи Жаннис Антетокоунмпо рейтингни якунлаб беради. Гретсияда туғилган асли келиб чиқиши Африка миллатига мансуб бу спортчи ҳозирда дунёнинг биринчи рақамли баскетболчиларидан бири ҳисобланади. Жаннис баскетболдан ташқари ҳам фаол шахс. У Нигериядаги бир қанча хайрия фондлари аъзоси ҳисобланади. Жаннис шу йил февраль ойида Пепси компаниясининг Starry алкоголсиз ичимликлари билан келишувга эришди. Ҳозирда 30 ёшни қаршилаган баскетболчи даромадининг асосий улушини катта компаниялар ва ташкиолтлар билан тузилган шартномалар ташкил этади. У спортдан ташқари йилига 65 миллион доллар фойда кўради.