Cobalt ва Damas’ни банк иштирокисиз бўлиб тўлашга сотиш бошланди

Cobalt учун дастлабки тўлов 50 фоиз этиб белгиланган. Қолган сумма 24 ой давомида ҳар ой 3 252 000 сўмдан тўланади.

Damas учун бошланғич тўлов 30 фоизни ташкил этади. Қолган сумма эса 30 ой давомида ҳар ой 2 173 640 сўмдан тўланади.

Компания маълумотига кўра, автомобиллар сони чекланган. Келтирилган ҳисоб-китоблар бошланғич комплектациялар учун амал қилади. Тўлов миқдори танланган комплектацияга қараб фарқ қилиши мумкин.

Бир вақтлар автомобиль харид қилиш учун навбат кутиш ва қўшимча тўловлар талаб этилган даврлар фонида ишлаб чиқарувчининг харидорларга банк иштирокисиз бўлиб тўлаш имкониятини таклиф қилаётгани автомобиль бозоридаги ўзгаришлардан бири сифатида эътиборни тортмоқда.