Ҳоким Мирзаев ходимларига бюджетдан қариб 3 млрд сўм ажратди

Унинг сўзларига кўра, маблағлар ҳокимликнинг 144 нафар аппарат ва хизмат кўрсатувчи ходимларига, Халқ депутатлари вилоят Кенгаши котибияти ҳамда “Янги иш ўринларини ташкил этишни рағбатлантириш ҳудудий жамғармаси” ходимларига жорий йилнинг 2-ярим йиллик иш ҳақларига тенг мувофиқликда ажратилган рағбатлантириш маблағлари ҳисобланади.

"Ходимларни рағбатлантириш мезонлари мавжуд бўлиб, ҳар ойда ходимларнинг фаолият самарадорлиги 7 та йўналишда баҳоланади, бунда ижро ва меҳнат интизоми инобатга олинади. Ажратилган маблағлар давлат раҳбарининг тегишли топшириқларига асосланиб, республикамизда давлат бошқарув органи ходимларининг иш ҳақлари мувофиқлаштирилгунига қадар тўланиши назарда тутилган",

 дейди матбуот котиби Қобулов.

Омма муҳокамасига мана шундай хабарлар билан тез-тез тушиб турадиган Тошкент вилояти ҳокими Зоир Мирзаев бундан олдин ҳам Наврўз байрами сайилларини ташкил этиш учун 620 миллион сўм пул сарфлаган эди.