Hokim Mirzayev xodimlariga byudjetdan qarib 3 mlrd soʻm ajratdi

Uning soʻzlariga koʻra, mablagʻlar hokimlikning 144 nafar apparat va xizmat koʻrsatuvchi xodimlariga, Xalq deputatlari viloyat Kengashi kotibiyati hamda “Yangi ish oʻrinlarini tashkil etishni ragʻbatlantirish hududiy jamgʻarmasi” xodimlariga joriy yilning 2-yarim yillik ish haqlariga teng muvofiqlikda ajratilgan ragʻbatlantirish mablagʻlari hisoblanadi.

"Xodimlarni ragʻbatlantirish mezonlari mavjud boʻlib, har oyda xodimlarning faoliyat samaradorligi 7 ta yoʻnalishda baholanadi, bunda ijro va mehnat intizomi inobatga olinadi. Ajratilgan mablagʻlar davlat rahbarining tegishli topshiriqlariga asoslanib, respublikamizda davlat boshqaruv organi xodimlarining ish haqlari muvofiqlashtirilguniga qadar toʻlanishi nazarda tutilgan",

 deydi matbuot kotibi Qobulov.

Omma muhokamasiga mana shunday xabarlar bilan tez-tez tushib turadigan Toshkent viloyati hokimi Zoir Mirzayev bundan oldin ham Navroʻz bayrami sayillarini tashkil etish uchun 620 million soʻm pul sarflagan edi.