21 ёшли учувчи носоз самолётни автомагистралга қўндириб, фожианинг олдини олди

Маълум қилинишича, парвоз вақтида учувчи авиадиспетчерларга кабинада ёнаётган мой ҳиди сезилгани, мой босими кескин тушиб кетгани ва двигатель ишдан чиқаётгани ҳақида хабар берган.

Вазият оғирлашгач, экипаж самолёт билан энг яқин аэропортга етиб бориш имкони йўқлигини англаб, фавқулодда қўниш учун Интерстейт 10 автомагистралини танлаган.

Диспетчер билан мулоқот чоғида Шелтон самолётни автомагистралда ҳаракатланаётган транспорт воситаларига тегмасдан қўндиришга ҳаракат қилаётганини маълум қилган. Натижада ҳаво кемаси йўлнинг ўртасига хавфсиз қўндирилган ва ҳодиса жабрланганларсиз якунланган.

Воқеага гувоҳ бўлган юк машинаси ҳайдовчисининг айтишича, самолёт унинг автомобили устидан жуда паст баландликда учиб ўтган ҳамда йўл устидаги баланд белгини бир неча сантиметр фарқ билан четлаб ўтган.

28 йиллик тажрибага эга ҳайдовчи, агар у газ педалидан оёғини олмаганида, самолёт юк машинасига урилиши мумкинлигини айтган. У бу воқеани ҳаётида кўрган энг ноодатий ҳодиса деб баҳолаган.

Ҳодиса оқибатида ҳеч ким жабрланмаган. 21 ёшли учувчининг тезкор ва аниқ қарори эҳтимолий авиаҳалокатнинг олдини олгани учун кенг эътироф этилмоқда.