Франция 15 ёшгача бўлганлар учун ижтимоий тармоқларни тақиқламоқда

Ижтимоий тармоқларнинг болаларга зарари ҳақидаги огоҳлантиришлар кўпайиб бораётгани сабабли, кўпгина мамлакатлар, жумладан, Франция ҳам ижтимоий тармоқлардан фойдаланишни чеклаш чораларини кўрмоқда.

Президент Эммануэл Макрон ушбу тақиқни ўзининг сўнгги президентлик муддатидаги энг муҳим ислоҳот сифатида илгари сурди ва уни сентябргача амалга оширишга ваъда берди.

Қонун лойиҳаси 21 июль куни Сенатда 243 киши ёқлаб, икки киши қарши овоз бериши билан маъқулланди.

“Франция болаларни интернетда яхшироқ ҳимоя қилиш учун рақамли ёш чегарасини жорий этган Европадаги биринчи давлат бўлади”, — деди Франция Рақамли технологиялар вазири Анн Ле Энанфф Х ижтимоий тармоғида.

Ушбу тақиқ икки босқичда амалга оширилади:

• 1 сентябрдан 15 ёшга тўлмаганларнинг янги аккаунт очиши блокланади;
• 2027 йил январь ойидан бошлаб тақиқ мавжуд аккаунтларга ҳам қўлланади.

Ле Энанфф бу муддатлар ишончли бўлиб, ёшни тасдиқловчи воситалар аллақачон мавжуд эканлигини ва бошқалари ишлаб чиқилаётганини, шунингдек, қоидани жорий этиш масъулияти платформалар зиммасидалигини таъкидлади.

"Тўрт ой давомида Франциядаги барча ўз ёшини тасдиқлаши керак бўлади. Агар фойдаланувчи 15 ёшдан кичик бўлса, унинг аккаунти ёпилади", — деди у журналистларга.

Шунингдек, вазир фойдаланувчиларнинг шахсий маълумотлари ҳимоя қилинишига кафолат берди.