Қозоғистонда денгизда оқиб кетган сўнгги аскарлар жасади топилди

ундан сўнг қидирув-қутқарув операцияси якунланди. Бу ҳақда Қозоғистон Мудофаа вазирлиги маълум қилди.

Сўнгги ҳарбийларнинг жасадлари 25-сентябрь куни топилди. Қутқарувчилар денгизда йўқолган хизматчиларни топиш учун тун-у кун ишлади.

«Узлуксиз олиб борилган қидирув-қутқарув ишлари давомида аввал бедарак йўқолган икки ҳарбий хизматчи — сержант Мансур Гумаров ва матрос Мирас Турдибекулининг жасадлари топилди», — дейилади Мудофаа вазирлиги хабарида.

Вазирлик қурбонларнинг оила аъзолари ва яқинларига ҳамдардлик билдириб, уларнинг оилаларига моддий ва психологик ёрдам кўрсатилишини маълум қилди.

Каспий денгизидаги фожиа 24-сентябрь куни ҳарбийлар ўқув-жанговар вазифани бажараётган пайтда юз берган. Дастлаб денгизда 19 нафар ҳарбий оқиб кетгани ҳақида хабар берилди, кейинчалик улар сони 17 нафар бўлгани маълум қилинди. Ҳарбийларнинг уч нафари қутқарилган, 14 нафари эса ҳалок бўлган.

Фожиага об-ҳавонинг кескин ёмонлашуви ва кучли шамол сабаб бўлгани айтилди. Қозоғистон Бош прокуратураси ҳодиса юзасидан жиноят иши қўзғатиб, беш нафар масъул шахсни қўлга олди.