Қозоғистонга кўчиб ўтган ўзбекистонликлар сони камайди

Бу ҳақда Data Hub маълумотларига таяниб, CentralAsia хабар берди.

Шунга қарамай, Ўзбекистон Қозоғистонга энг кўп кўчиб келганлар қайд этилган давлатлар орасида биринчи ўринни эгаллаган. Мамлакатдан келганлар Қозоғистондаги умумий ташқи миграция оқимининг 36,1 фоизини ташкил этган.

Таққослаш учун, 2022 йилнинг биринчи ярмида Ўзбекистондан Қозоғистонга 3 418 киши кўчиб ўтган бўлса, 2025 йилнинг шу даврида бу кўрсаткич 5 693 нафарни ташкил этган.

Қозоғистонга кўчиб келганлар орасида 2 минг нафарга яқини этник қозоқлар бўлган.

Кўчиб келганларнинг 1 743 нафари, яъни 60 фоиздан кўпроғи Олмаота ва Мангистау вилоятларини танлаган. Яна 535 киши ёки 18,5 фоизи Олмаота ва Остона шаҳарларида жойлашган.

Қозоғистондан Ўзбекистонга қарама-қарши йўналишда эса ярим йил давомида 41 киши кўчиб ўтган. Бир йил аввал бу кўрсаткич 32 нафарни ташкил этган.

Шу тариқа, икки давлат ўртасидаги миграция сальдоси Қозоғистон фойдасига ижобий бўлиб, 2 853 кишини ташкил қилган.