Суюлтирилган табиий газ нима ва нега муҳим?

Айниқса, стратегик аҳамиятга эга Ҳормуз бўғози орқали ташиш жараёни деярли тўхтаб қолди.

Суюлтирилган табиий газ — бу оддий табиий газнинг махсус усулда совитилган кўриниши. У –162°C даражагача совитилганда суюқ ҳолатга ўтади ва ҳажми тахминан 600 марта камаяди. Шу сабабли уни сақлаш ва узоқ масофаларга ташиш анча қулайлашади.

Суюлтиришдан олдин газ турли аралашмалардан тозаланади. Кейин у махсус танкерларда ташилади. Манзилга етказилгандан сўнг эса қайта иситилиб, газ ҳолатига келтирилади ва истеъмолга йўналтирилади.

СТГ кундалик ҳаётда ва саноатда кенг қўлланилади. Уйларни иситиш, овқат тайёрлаш, электр энергияси ишлаб чиқариш, ўғитлар, пластмасса ва дори воситалари ишлаб чиқаришда муҳим ресурс ҳисобланади.

Шу боис, унинг етказиб берилишидаги ҳар қандай узилиш жаҳон бозорида нархлар ошишига ва энергетик барқарорликка таъсир кўрсатиши мумкин.

Муаллиф: Азиз СОЛИЕВ