updated: 22.03.2026, 18:15

Ўзбекистондаги воқеа диққат-эътиборимиз марказида — Мария Захарова. Россия нимага шама қилмоқда?

Ўзбекистон Россия таъсирида эмас, буёғига давлатнинг қайсидир сиёсий вакили биз ҳақимизда гапирса ёки шахсий ишимизга аралашса уни Ўзбекистонга киритмаймиз деб турган бир вақтда Россия Ташқи ишлар вазирлиги матбуот котиби Мария Захарова Ўзбекистондан тушунтириш сўради. Хўш, нега, қандай масала юзасидан деб ўйлаётган бўлсангиз, бугун PARADIGMA.UZ шу саволларингизга жавоб беради.

Сиёсат

26.09.2024, 11:55

Lotinchada

Улашиш:

Oʻzbekistondagi voqea diqqat-eʼtiborimiz markazida — Mariya Zaxarova. Rossiya nimaga shama qilmoqda?

Аввалроқ, тармоқларда Тошкент шаҳар Чилонзор туманида жойлашган 188-умумтаълим мактабида 6-синф ўқувчи рус тили фани ўқитувчиси томонидан калтаклангани тасвирланган видео тарқалган эди. Мазкур ҳолат юзасидан Тошкент шаҳар мактабгача ва мактаб таълими бошқармаси муносабат билдирган.

Муносабатда ўқувчи дарсда ўқитувчисига гап қайтариб, у билан тортишиб қолгани, жанжал вақтида ўқитувчи ўқувчини қулоғидан чўзиб, ўтирган партасидан тортиб олиб чиққани ҳамда юзига тарсаки ургани, бироқ болага шикаст етмагани қайд этилган. Ҳатто юқоридаги ҳолат бўйича, ўқитувчига нисбатан ҳуқуқ-тартибот органлари томонидан суриштирув ишлари олиб борилаётгани маълум қилинган.

Хўш, масала ҳал, ўқитувчига жазо тайинланади, ҳеч қурса ишдан кетади деётган бўлсангиз ҳам керак. Ҳа, албатта, бу тахминларингиз юз фоиз бўлмаса ҳам ҳақиқатга тўқсон фоизга яқин. Аммо муаммо бошқа.

Мазкур видео тармоқлардаги ўзбек аудиториясининг муҳокамаларидан тушгани билан Россия мансаб эгаларининг эътиборидан четда қолиб кетмади. Яъни юқорида таъкидлаганимиздек, давлатнинг Ташқи ишлар вазирлиги матбуот котиби Мария Захарова Ўзбекистондан тушунтириш сўради.

"Ижтимоий тармоқларда тарқалган Тошкентдаги 188-мактабда рус тили дарси ўтилаётганда ўқитувчи ва ўқувчи ўртасида бўлган воқеага қандай изоҳ берасиз?", дея Ўзбекистон ҳукуматига савол йўллаган у.

Шунингдек, Захарова мазкур ҳолат акс этган видео мазмунидан ниҳоятда ташвишланганини ҳам билдирган.

"Икки давлат ўртасидаги стратегик шериклик ва иттифоқчиликка асосланган дўстона муносабатларда ҳеч қандай адоватга, айниқса, тил масаласидаги адоватга ўрин йўқ ва бўлиши ҳам мумкин эмас", дейди у.

Бундан ташқари, Захарова Россия Ўзбекистонда юз берган ҳодисага ҳуқуқий баҳо беришни ва болага нисбатан шафқатсизлик қилган айбдорга қарши чоралар кўришни талаб ҳам қилган.