Cўнгги 6 ойда қанча фуқаро коррупция билан ушлангани очиқланди

Қайд этилишича, юқоридаги рақамлар 2023 йилнинг мос даври билан солиштирганда айрим соҳа ва йўналишларда содир этилаётган коррупцияга оид жиноятчилик камайган. Жумладан, ўтган йили тижорат банкларида 186 нафар шахс коррупция билан учланган бўлса, жорий йилда уларнинг сони 40 нафарга камайиб, 146 нафарни ташкил этган. 

Шунингдек, Соғлиқни сақлаш вазирлиги тизимида 145 (177), ҳуқуқни муҳофаза қилувчи органларда 122 (128), Олий таълим, фан ва инновациялар вазирлиги тизимида 52 (64), Бандлик ва камбағалликни қисқартириш вазирлиги тизимида 30 (40),Қишлоқ хўжалиги вазирлиги тизимидаги 30 (33) нафар ходимлар томонидан коррупсион жиноятлар содир этилган. 

Бироқ қуйидаги соҳаларда коррупсион ҳолат ўтган йилнинг мос даври билан солиштирилганда ошган. Яъни Мактабгача ва мактаб таълими вазирлиги тизимининг 285 (237), давлат улуши мавжуд корхоналарнинг 153 (103), маҳаллий ҳокимликларнинг 133 (119) нафар ходимлари томонидан содир этилган коррупсиявий жиноятлар кузатилган. 

Эслатиб ўтамиз, аввалроқ 6 ойида 47 нафар амалдор 600 минг АҚШ долларига яқин пора билан ушлангани ҳақида хабар қилган эдик.