Конго терма жамоаси Эбола карантинидан сўнг АҚШга етиб келди

Жамоанинг Белгияда карантин муддатини ўташини, акс ҳолда турнирга киритилмаслигини қатъий талаб қилганди АҚШ расмийлари.

Бош мураббий Себастян Десабр жамоаси муносиб иштирок орқали вирус эпидемияси билан курашаётган ватандошларига бироз бўлса-да, қувонч улашишга умид қилишини айтди.

“Халқимиз жамоани Жаҳон чемпионатида анча вақтдан бери кўрмагани йўқ”, — деди франциялик мутахассис.

1974-йилги Жаҳон чемпионатида Заир номи билан қатнашганидан буён илк бор мундиал йўлланмасини қўлга киритган Конго ўтган ой мамлакатда Эбола эпидемияси авж олгани сабабли ўз уйида режалаштирилган ўқув-машғулот йиғинини бекор қилиб, Белгияга йўл олди.

Жамоанинг Жаҳон чемпионатига тайёргарлиги вирус тарқалиши хавфи туфайли Испанияда Чили билан ўтказилиши режалаштирилган ўртоқлик ўйини бекор қилингач, янада издан чиқди.

 Конгонинг мусобақадаги рақиблари

Конго Демократик Республикаси терма жамоаси мусобақа давомида Ҳюстонда жойлашадилар.

Жамоа К гуруҳидаги биринчи ўйинини 17 июнь куни Португалияга қарши ўтказади.

Шундан сўнг 23 июнь куни Мексиканинг Гвадалахара шаҳрида Колумбияга қарши майдонга тушса, 28 июнь куни Атлантада Ўзбекистон билан ўйнайди.