Kongo terma jamoasi Ebola karantinidan so‘ng AQShga yetib keldi

Jamoaning Belgiyada karantin muddatini o‘tashini, aks holda turnirga kiritilmasligini qat’iy talab qilgandi AQSh rasmiylari.

Bosh murabbiy Sebastyan Desabr jamoasi munosib ishtirok orqali virus epidemiyasi bilan kurashayotgan vatandoshlariga biroz bo‘lsa-da, quvonch ulashishga umid qilishini aytdi.

“Xalqimiz jamoani Jahon chempionatida ancha vaqtdan beri ko‘rmagani yo‘q”, — dedi fransiyalik mutaxassis.

1974-yilgi Jahon chempionatida Zair nomi bilan qatnashganidan buyon ilk bor mundial yo‘llanmasini qo‘lga kiritgan Kongo o‘tgan oy mamlakatda Ebola epidemiyasi avj olgani sababli o‘z uyida rejalashtirilgan o‘quv-mashg‘ulot yig‘inini bekor qilib, Belgiyaga yo‘l oldi.

Jamoaning Jahon chempionatiga tayyorgarligi virus tarqalishi xavfi tufayli Ispaniyada Chili bilan o‘tkazilishi rejalashtirilgan o‘rtoqlik o‘yini bekor qilingach, yanada izdan chiqdi.

 Kongoning musobaqadagi raqiblari

Kongo Demokratik Respublikasi terma jamoasi musobaqa davomida Hyustonda joylashadilar.

Jamoa K guruhidagi birinchi o‘yinini 17-iyun kuni Portugaliyaga qarshi o‘tkazadi.

Shundan so‘ng 23-iyun kuni Meksikaning Gvadalaxara shahrida Kolumbiyaga qarshi maydonga tushsa, 28-iyun kuni Atlantada O‘zbekiston bilan o‘ynaydi.