Ўзбекистонда сафарбарлик вақтида кредит тўловлари кечиктирилиши мумкин

Олий Мажлис Қонунчилик палатаси “Сафарбарлик тайёргарлиги ва сафарбарлик тўғрисида”ги қонун лойиҳасини биринчи ўқишда қабул қилди.

Лойиҳага кўра, сафарбарлик даврида чақирилган фуқаролар учун бир қатор ижтимоий кафолатлар жорий этилиши режалаштирилмоқда. Жумладан:

• иш жойини сақлаб қолиш;
• кредит тўловларини кечиктириш;
• етказилган зарарларни компенсация қилиш.

Шунингдек, ҳужжатда сафарбарликни эълон қилиш тартиби, давлат органлари ва иқтисодиёт тармоқларининг уруш даври шароитида ишлаш механизмлари ҳам белгилаб қўйилган.

Бундан ташқари, депутатлар Марказий банк мустақиллигини кучайтиришга қаратилган қонун лойиҳасини ҳам биринчи ўқишда маъқуллади.