Buxoroda oʻquvchilarning oʻlimiga sabab boʻlgan haydovchi 9 yilga qamaldi

Qayd etilishicha, joriy yilning 20 sentabr kuni avtobus haydovchisiga nisbatan sud hukmi oʻqilgan. 33 yoshli sudlanuvchi Otabek Sharopov Jinoyat kodeksi 266-moddasining (Transport vositalari harakati yoki ulardan foydalanish xavfsizligi qoidalarini buzish odamlar oʻlimiga sabab boʻlsa) 3-qismi "a" bandida nazarda tutilgan jinoyatni sodir qilganlikda aybli deb topilgan. Sharopovga nisbatan 9 yillik qamoq jazosi belgilangan. 

Maʼlum boʻlishicha, haydovchi yoʻlda 50−55 km/soat tezlikda chorrahaga yaqinlashgan vaqtida harakat yoʻnalishidagi chorrahaning svetofori ishlamayotganligi hamda "Yoʻl bering" belgisi oʻrnatilganini koʻrgan. Biroq u bunga yoʻl-harakati qoidasiga rioya qilmagan. Oqibatda Chorrahadan kelayotgan yuk avtomashinasi uzoqda boʻlganligi sababli yoʻlni kesib oʻtishga ulguraman deb oʻylab, avtobusni shu tezlikda boshqarib borib, chorrahaga kirgan. 

Chorrahadan kelayotgan yuk avtomashinasi uzoqda boʻlganligi sababli yoʻlni kesib oʻtishga ulguraman deb oʻylab, avtobusni shu tezlikda boshqarib borib, chorrahaga kirgan. Shu vaqtda tezlikda kelayotgan yuk avtomashinasi bilan toʻqnashgan va yoʻl-transport hodisasi sodir boʻlgan. Sudlanuvchi shaxs majlisda aybiga toʻliq iqrorligi, boʻlib oʻtgan holat boʻyicha chin koʻngildan pushaymon ekanligini va marhumlarning oila aʼzolaridan kechirim soʻrashini bildirdi.