Apple sentyabrda “iPhone Ultra” buklamafonini namoyish etadi

Apple 9-sentyabr kuni o‘zining eng so‘nggi iPhone modelini taqdim etadi. Ushbu qurilma “iPhone Ultra” nomli buklanadigan telefon bo‘lishi kutilmoqda.

Texnologiya giganti buklamafonlar bozoriga ilk bor qadam qo‘ymoqda.

Yangi model ikkita ekran bilan jihozlangan:

 — kitob kabi ochiladigan 19,8 santimetrli ichki ekran;
 — smartfondan odatdagidek foydalanish uchun 13,5 santimetrli tashqi displey.

Shuningdek, qurilmada to‘rtta — ikkitasi orqa panelda, bittasi ichki va bittasi old selfi kamerasi bo‘ladi.

iPhone Ultra assimetrik burchaklarga ega bo‘lishi haqida ham gap-so‘zlar tarqalgan.

Hozirda Samsung buklamafonlar bozorida yetakchi. Huawei, Google va Motorola kabi raqobatchilar esa bir qator muqobil variantlarni taklif etmoqda.

Tahlilchilarning fikricha, Apple iPhone Ultra bilan bozorga kirgan zahoti ustunlikka erishadi. Kompaniyaning ko‘p oynali va katta ekranli dasturiy ta’minot bo‘yicha uzoq yillik tajribasi bunga yaxshi zamin yaratadi.

Shuningdek, tadbirda Apple Watch Series 12, Apple Watch Ultra, iPad mini 8, AirPods Pro hamda Apple TV va HomePod mini uchun yangilanishlar taqdim etilishi kutilmoqda.