Oq Uy Trampning Gʻazo boʻyicha tinchlik rejasini eʼlon qildi. Tramp Gʻazoni oʻzi boshqarmoqchi

Dasturga koʻra, Isroil qoʻshinlarini Gʻazodan olib chiqishi va harbiy harakatlarini muzlatib qoʻyish evaziga garovga olingan isroilliklarni ozod qilishi kerak.

Isroil taklif qilingan kelishuvni tan olganidan soʻng, garovdagilarni ozod qilish uchun 72 soat vaqt beriladi.

Shuningdek, asirlikdagi barcha isroilliklar ozod qilinganidan soʻng, Isroil umrbod qamoqqa hukm qilingan 250 kishini hamda 2023 yil 7 oktabrdan keyin hibsga olingan 1700 nafar gʻazolikni ozod qilishi kerak boʻladi.

Tinchlik rejasiga koʻra, Gʻazo “terrorizmdan tozalangan” hududga aylantiriladi va qayta quriladi. Bu kelishuvda HAMAS Gʻazodagi boshqaruvda ishtirok etmasligi shart etib belgilanadi.

Gʻazoni boshqarish uchun «Falastin qoʻmitasi» deb nomlangan vaqtinchalik hukumat tuziladi. U xalqaro «Tinchlik kengashi» nazorati ostida ishlaydi va uning rahbari Tramp boʻladi.

Kelishuv imzolanganidan soʻng Gʻazoga zudlik bilan xalqaro gumanitar yordam, shu jumladan infratuzilmani tiklash uchun yordam yuboriladi.

AQSh arab davlatlari va boshqa xalqaro hamkorlar bilan birgalikda Gʻazo uchun vaqtinchalik Xalqaro barqarorlashtiruvchi kuchlarni tashkil etishda ishtirok etadi.

Tinchlik rejasiga koʻra, Isroil anklavni bosib olmaydi va anneksiya qilmaydi.

Tramp va Netanyahu uchrashuvida Netanyahu ushbu shartga rozi ekanligini aytdi. Tinchlik dasturini endi Falastin davlati ham tasdiqlashi kerak boʻladi. Agar shunday boʻlsa Tramp boshchiligidagi guruh tuziladi hamda Gʻazoni boshqara boshlaydi.