Oʻzbekiston Braziliyadan zamonaviy harbiy transport samolyoti sotib oladi

Braziliya OAVlari Embraer kompaniyasidagi manbalarga tayanib xabar berishicha, braziliyalik ishlab chiqaruvchi Oʻzbekiston Harbiy-havo kuchlari uchun C-390 Millenium koʻp maqsadli harbiy transport samolyotlarini yetkazib berish boʻyicha shartnoma eʼlon qilishga tayyorlanmoqda.

Embraer C-390 samolyotlari oʻzining samaradorligi boʻyicha mashhur boʻldi va Portugaliya, Vengriya, Niderlandiya, Avstriya va Janubiy Koreya kabi mamlakatlarning havo kuchlari tomonidan sotib olindi.

Ushbu modelning aniq narxi maʼlum emas, ammo 2021-yilda Avstriya Mudofaa vazirligi uning narxini 130 million yevrodan 150 million yevrogacha boʻlishini aytgan.

Embraer “yaqin vaqt ichida” Oʻzbekiston bilan mumkin boʻlgan shartnomani eʼlon qilishga tayyorlanmoqda.