«Qassom brigadasi» Gʻazoda yana bir isroillik asirning jasadini Qizil Xochga topshirdi

Isroil armiyasi maʼlumotida qayd etilishicha, Qizil Xoch tobutni qabul qilib olgan va uni belgilangan joyda isroillik harbiylarga topshirgan. Keyinchalik Isroilning Milliy sud-tibbiy instituti jasad shaxsini aniqlash boʻyicha ekspertiza oʻtkazadi. Agar u asirga tegishli ekani tasdiqlansa, Gʻazoda hozirda 15 nafar isroillik asirning jasadi qoladi.

Bundan avval HAMAS 13 ta jasadni qaytargan edi. Ular orasida Nepal va Tailand fuqarolari ham boʻlgani aytilgan, ammo Isroil taraflaridan biri bu maʼlumotni rad etgan. Shu tariqa, hisobga koʻra, 28 nafar halok boʻlgan asirdan 16 nafari hali ham Gʻazoda qolmoqda.

Isroil esa oʻz navbatida 150 nafar falastinlikning jasadini qaytargan. Maʼlumotlarga koʻra, qaytarilgan jasadlarda qiynoq izlari kuzatilgan. Gʻazoda shaxsni aniqlash uskunalari yoʻqligi sababli, falastinliklar jasadlarning suratini eʼlon qilib, ularni qarindoshlari tomonidan tanib olinishi uchun jamoatchilikka havola qilgan.