Ҳайит куни Тошкентда жамоат транспорти соат 04:00 дан иш бошлайди

Бу ҳақда Ўзбекистон Транспорт вазирлиги хабар берди.

Маълум қилинишича, мазкур қарор фуқароларга ҳайит намозида иштирок этиш учун қулайлик яратиш, йўлларда тирбандликларни камайтириш ҳамда байрам кунлари хавфсиз ва сифатли транспорт хизматини таъминлаш мақсадида қабул қилинган.

Шунингдек, Президент қарорига кўра, Ўзбекистон мусулмонлари идораси ахбороти асосида 20 март — Рамазон ҳайити сифатида кенг нишонланиши белгиланди.

Дам олиш кунлари:
— 20 март (жума) — Рамазон ҳайити
— 21 март (шанба) — Наврўз
— 22 март (якшанба) — дам олиш куни
— 23 март (душанба) — 5 кунлик иш ҳафтаси учун дам олиш куни, 6 кунликлар учун иш куни

Шу тариқа, байрам кунлари муносабати билан аҳоли учун қўшимча қулайликлар яратилмоқда.