Наврўз ва Ҳайит арафасида 392 нафар маҳбус афв этилди

Мазкур қарор Наврўз умумхалқ байрами ва Рамазон ҳайити арафасида халқимизга хос эзгулик, бағрикенглик ва кечиримлилик тамойилларини намоён этиш, шунингдек инсонпарварлик сиёсатининг амалий ифодаси сифатида қабул қилинган.

Фармонга мувофиқ:
— 223 нафар шахс асосий жазодан тўлиқ озод этилди
— 82 нафар шахс жазони ўташдан муддатидан илгари шартли равишда озод қилинди
— 34 нафарнинг озодликдан маҳрум этиш жазоси енгилроқ жазо билан алмаштирилди
— 53 нафар шахснинг жазо муддати қисқартирилди

Афв этилганлар орасида 3 нафар чет эл фуқароси, 26 нафар аёл, 60 ёшдан ошган 14 нафар эркак, 166 нафар ёшлар ҳамда 24 нафар тақиқланган ташкилотлар фаолиятида иштирок этган шахслар бор.

Фармон ижроси доирасида афв этилганларни оиласи бағрига қайтариш, уларнинг жамиятга мослашуви, меҳнат фаолияти билан шуғулланиши ҳамда соғлом турмуш тарзини йўлга қўйиши учун масъул идораларга тегишли топшириқлар берилган.