Toshkentda Yevropa Ittifoqining 30-sentyabr kuni bo‘lib o‘tadigan ikkita tadbiriga jurnalistlar taklif etilmoqda

Transkaspiy transport yo‘lagi bo‘yicha milliy konferensiya

Konferensiya soat 10:00 dan 17:00 gacha InterContinental mehmonxonasining Amudaryo zalida (Shahrisabz ko‘chasi, 2-uy) o‘tkaziladi. Ro‘yxatdan o‘tish va tanishuv qahva-uzilishi soat 9:30 dan boshlanadi.

Tadbirda davlat organlari, xalqaro moliya institutlari, rivojlanish sheriklari va xususiy sektor vakillari ishtirok etadi. Muhokama markazida Transkaspiy transport yo‘lagining rivojlanishi, investitsiya imkoniyatlari hamda transport va o‘zaro bog‘liqlik sohasidagi islohotlar bo‘ladi. Konferensiya O‘zbekiston Respublikasi Transport vazirligi va Yevropa Komissiyasining Xalqaro sheriklik bosh direksiyasi hamraisligida o‘tkaziladi.

Yevropa tillari kuni 2026

Kunduzgi dastur soat 10:00 dan 13:00 gacha O‘zbekiston davlat jahon tillari universitetida bo‘lib o‘tadi. Dasturda Yevropa tillari taqdimotlari, qo‘shiqlar, o‘yinlar, viktorinalar hamda ishtirokchilarni Yevropa mamlakatlari tillari va madaniyati bilan tanishtiruvchi Tillar yarmarkasi taklif etiladi.

Kechki qism — SpeakEasy Night soat 19:00 dan 21:30 gacha Gyote-institutida (Amir Temur ko‘chasi, 42-uy) o‘tkaziladi. Dasturda qisqa metrajli film namoyishi va muhokamasi, til stollari, interaktiv o‘yinlar, tezkor networking, madaniy almashinuv hamda Yevropa musiqasi bilan DJ-set bo‘ladi.

Ommaviy axborot vositalari vakillari har ikki tadbirda ishtirok etish va ularni yoritishga taklif etiladi.