O‘zbekiston 2031-yilda BMTning yirik kongressiga mezbonlik qiladi

Prezident Administratsiyasi rahbari Saida Mirziyoyeva Abu-Dabida bo‘lib o‘tayotgan BMTning Jinoyatchilikning oldini olish va jinoiy odil sudlov bo‘yicha 15-kongressida ishtirok etdi.

Kongressda transmilliy jinoyatchilik, terrorizm, narkotik moddalar noqonuniy savdosi, korrupsiya, ekologik huquqbuzarliklarga qarshi kurashish, bolalarni himoya qilish hamda qonun ustuvorligini mustahkamlash masalalari muhokama qilinmoqda.

Saida Mirziyoyeva tadbir doirasida BMT Bosh kotibi o‘rinbosari va BMTning Narkotiklar va jinoyatchilik bo‘yicha boshqarmasi ijrochi direktori Monika Juma bilan ham uchrashdi.

Kongressda ishtirok etayotgan davlatlar O‘zbekistonning 2031-yilda navbatdagi kongressni o‘tkazish tashabbusini qo‘llab-quvvatladi. Bu qaror anjuman yakuniy deklaratsiyasida ham aks etgan.

Saida Mirziyoyeva O‘zbekistonning mazkur kongressga mezbonlik qilishi mamlakatga bildirilgan xalqaro ishonch belgisi ekanini ta’kidladi.

BMTning Jinoyatchilikning oldini olish va jinoiy odil sudlov bo‘yicha kongressi har besh yilda bir marta o‘tkaziladi. 15-kongress 2026-yil 26-sentabrdan 1-oktabrgacha Abu-Dabida bo‘lib o‘tmoqda.