Sharof Rashidov tumaniga yangi hokim tayinlandi. Sobiq hokim pora bilan qoʻlga tushgan edi

Bugun, Sharof Rashidov tumanida Xalq deputatlari tuman Kengashining navbatdan tashqari sessiyasi boʻlib oʻtdi. Unda viloyat hokimi vazifasini bajaruvchi Ulugʻbek Mustafoyev ishtirok etdi.

Ashurov Asilbek Raxmonovich 2022 yildan buyon Paxtakor tumani hokimi lavozimida faoliyat yuritib kelayotgan edi.

Eslatib oʻtamiz, Sharof Rashidov tumanining eski hokimi va hokimlik bosh mutaxassisi joriy yilning 8 iyul kuni tumandagi “Tokchilik” mahallasidagi maktab uchun ajratilgan 1,7 gektar yerni 8 ta koʻp qavatli uy qurishga ruxsat olib berish evaziga 30 ming AQSh dollari talab qilgani haqida xabar bergan edik.

5 iyul kuni bosh mutaxassis 10 ming dollar olib, uni hokimga bergan. 8 iyul kuni esa tadbirkordan qolgan 20 ming dollarni olgan va unga ruxsat hujjatlarini topshirgan. Shu kuni u hokim bilan hokimiyat binosi oldida uchrashgan vaqtda, ikkala mansabdor ham pora olishda gumon qilinib Davlat xavfsizlik xizmati xodimlari tomonidan hibsga olingan.

Qiziqarli tomoni bu sobiq hokim qamoqdaligi vaqtida ham hokimlik mablagʻlarini ajratish boʻyicha qarorlar chiqarib kelgan. Bu haqdaPARADIGMA.UZ'ning you tube sahifasidagi video materialni tomosha qiling.