Green Card olish uçun 1000 dan ortiq soxta nikoh tuzilgan

Green Card olish uçun 1000 dan ortiq soxta nikoh tuzilgan

AQŞ Adliya vazirligi mamlakat tarixidagi eng yirik nikoh firibgarligi işlaridan birini foş etdi. Maʼlum qilinişiça, 10 yil davomida Green Card olish maqsadida 1000 dan ortiq soxta nikoh tuzilgan.

Nyu-York janubiy okrugida oçilgan aybloviga köra, 2016-yildan 2026-yil iyuligaça davom etgan sxema doirasida 11 nafar şaxs AQŞ fuqarolari bilan Xitoy fuqarolari örtasida soxta nikohlar uyuştirgan. Sxema asosan Nyu-Yorkda amalga oşirilgan bölsa-da, Konnektikut, Massaçusets, Pensilvaniya, Kentukki, Tennessi, Jorjiya va Florida ştatlarida, şuningdek, Vanuatu va Xitoyda ham faoliyat yuritgan.

Xizmatlarning tölik paketi uçun xitoylik mijozlar 100 ming dollargaça tölagan. Nikohga rozi bölgan AQŞ fuqarolariga esa bosqiçma-bosqiç 30 ming dollargaça pul berilgan. Vositaçilar har bir jalb qilingan amerikalik uçun 5 ming dollargaça komissiya olgan.

Nikohlarni haqiqiydek körsatiş maqsadida soxta töy marosimlari ham taşkil etilgan. Juftliklar anʼanaviy xitoy milliy kiyimlarida suratga tuşgan, marosimlarga döstlari va qarindoşlari taklif qilingan. Şu orqali haqiqiy töy ötkazilgani haqida taassurot yaratişga uriniışgan. Ayblov hujjatlarida bunday suratlar dalil sifatida keltirilgan.

AQŞ Boş prokurori Todd Blançe mazkur işni AQŞ tarixidagi eng yirik nikoh firibgarligi holatlaridan biri deb atadi.

Green Card nima va nega unga bunça pul tölanadi?

Green Card — AQŞda doimiy yaşaş va işlaş huquqini beruvçi hujjat. Uning egasi mamlakatda doimiy yaşaşi, qonuniy işlaşi va taʼlim olişi, şuningdek, muayyan talablar bajarilgaç, AQŞ fuqaroligiga ariza topşirişi mumkin.

Green Card olişning qonuniy yöllaridan biri — AQŞ fuqarosi bilan haqiqiy nikoh qurish orqali oilaviy immigratsiya maqomini olish. Aynan şu imkoniyat ayrim firibgarlar tomonidan noqonuniy sxemalarda foydalanilgan: ular haqiqiy oila qurish uçun emas, balki immigratsiya talablarini çetlab ötish maqsadida soxta nikohlar taşkil qilgan.

Buning özbekistonliklar uçun qanday ahamiyati bor?

Özbekiston fuqarolari orasida ham AQŞga köçib boriş va u yerda doimiy yaşaş istagi yuqori. Buning qonuniy yöllaridan biri Diversity Visa (DV) dasturi hisoblanadi.

Şu bilan birga, ayrim vositaçilar yoki özini "maslahatçi" deb taniştiruvçi şaxslar AQŞ fuqarosi bilan soxta nikoh tuzish orqali Green Card olib berişni vaʼda qilişi mumkin.

Bunday sxemalarda iştirok etiş AQŞ qonunçiligiga köra jinoiy javobgarlik, katta miqdordagi jarimalar, immigratsion maqomning bekor qilinişi, deportatsiya va AQŞga kirişga uzoq muddatli yoki doimiy taqiq kabi jiddiy oqibatlarga olib kelişi mumkin.

Mazkur holat AQŞ tergov organlari bunday sxemalarni uzoq vaqt davomida tekşirişi va iştirokçilarni javobgarlikka tortişi mumkinligini körsatadi. Şu sababli Green Cardʼni "kafolatlab beriş"ni vaʼda qilayotgan şaxslar yoki vositaçilarga işonişdan oldin ularning takliflari qonuniyligini sinçiklab tekşiriş muhim.