Tadbirkorlar uchun yangi imkoniyat

Mablagʻlar qayerga yoʻnaltiriladi?

Bitim doirasida asosiy eʼtibor mikro, kichik va oʻrta biznes subʼektlarini qoʻllab-quvvatlashga qaratilgan. Tadbirkorlar usqunaviy jihozlar, texnika, xom ashyo xaridi hamda ishlab chiqarish uchun zarur aylanma mablagʻlarni foizsiz va shaffof shartlarda olish imkoniyatiga ega boʻladi.

Murabaxa tizimi nima?

Murabaxa mexanizmiga koʻra, bank tadbirkor uchun tovarni oʻzi xarid qilib, keyin uni oldindan kelishilgan ustama narxi bilan boʻlib-boʻlib sotadi. Bu jarayonda:

• foiz qoʻllanilmaydi;
• yashirin toʻlovlar boʻlmaydi;
• shartlar toʻliq shaffof boʻladi.

Islomiy moliyaning asosiy afzalligi — moliyalashtirish real aktivlarga tayanadi, bu esa risklarni kamaytiradi.

Bank mulohazasi

Bank vakillarining taʼkidlashicha, mazkur hamkorlik Oʻzbekistonda islomiy moliyalashtirishni ommalashtirish yoʻlidagi muhim qadam boʻlib, halol biznes yuritishni istagan tadbirkorlar uchun yanada qulay shart-sharoit yaratadi.

EEFU haqida

EEFU — Islom Taraqqiyot Banki, Saudiya Taraqqiyot Jamgʻarmasi va Oʻzbekiston Tiklanish va Taraqqiyot Jamgʻarmasi koʻmagida tashkil etilgan jamgʻarma hisoblanadi. Uning asosiy maqsadi mamlakatda inklyuziv va barqaror iqtisodiy rivojlanishni ragʻbatlantirish, shu jumladan islomiy moliya mexanizmlarini kengaytirishdir.