3 март — Халқаро эшитиш саломатлигини ҳимоя қилиш куни: 2050 йилга бориб 2,5 млрд одам эшитиш қобилиятини йўқотади

ЖССТнинг Россия Федерациясидаги ваколатхонаси раҳбарига кўра, 2050 йилга келиб деярли 2,5 миллиард киши эшитиш қобилиятини бутунлай йўқотади ва камида 700 миллион киши эшитиш қобилияти чекланган реабилитацияга муҳтож бўлади.

"Болаларда эшитиш қобилияти пасайиши 60 фоиз ҳолатда олдини олиш мумкин бўлган сабаблар билан боғлиқ. Бу келажакда эшитиш қобилиятининг йўқолишини камайтириш учун ҳам катта имконият", дейди у.

Маълумот учун, ҳар йили 3 март — Халқаро эшитиш саломатлигини ҳимоя қилиш куни нишонланади. Бу кун Жаҳон соғлиқни сақлаш ташкилоти томонидан эшитиш қобилиятини сақлаш, эшитиш касалликларини олдини олиш ва эшитиш қобилияти пасайган инсонларга ёрдам кўрсатишга эътибор қаратиш мақсадида ташкил этилади. 

Бу куннинг асосий мақсади эшитиш муаммоларига эътибор қаратиш, эшитиш саломатлигини яхшилаш ва эшитиш йўқотилишини олдини олиш учун жамоатчиликни хабардор қилишдир. Бутунжаҳон эшитиш куни доирасида турли тадбирлар, кампаниялар ва маълумот тарқатиш ишлари олиб борилади.