47 нафар фуқарони чув тушурган фирибгар ушланди

Унда қайд этилишича, Бош прокуратура ҳузуридаги Департамент Самарқанд вилояти Оқдарё тумани бўлими ва ИИБ ходимлари ҳамкорлигида тезкор тадбир ўтказган. Фуқаро В.И. фуқаролар Э.Х. ва Б.Б.нинг ишончига кириб, уларни Англия давлатига ишга юборишни ваъда берган. Бунинг эвазига 4500 АҚШ долларини олиб, шундан 1,2 млн сўм ва 700 АҚШ долларини қайтариб берган вақтида ашёвий далиллар билан ушланган.

Шунингдек, терговга қадар текширув давомида фуқаро В.И. 47 нафар фуқарони ишончига кириб, чет давлатларга ишга юбориши эвазига жами 37 160 АҚШ долларини фирибгарлик йўли билан қўлга киритганлиги аниқланган.

Бундан ташқари, департаментнинг Навоий вилояти бошқармаси, ДХХ ва ИИБ ходимлари ҳамкорлигида ўтказган тезкор тадбирда фуқаро Р.Д. фуқаро А.Ф.нинг ишончига кириб, уни Корея давлатига яшаш ва ишлаш учун жўнатиши ҳамда виза ҳужжатларини тайёрлаб бериши эвазига 4 000 АҚШ долларини олган вақтида ашёвий далиллар билан ушланган.

“Мазкур ҳолатлар юзасидан Жиноят кодексининг 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда”, дейилади хабарда.

Эслатиб ўтамиз, аввалроқ одамларнинг “Америка орзуси”ни амалга оширмоқчи бўлган фирибгарлар ушланганди.